Muhammad Zia-ul-Haq
El xeneral Muhammad Zia-ul-Haq (12 d'agostu de 1924, Jalandhar – 17 d'agostu de 1988, Bahawalpur) foi un militar y dictador de Paquistán, presidente de la República Islámica de Paquistán ente'l 16 de setiembre de 1978 hasta la so muerte en 1988 nun accidente d'avión. Fuera xeneral en xefe del exércitu del Paquistán dos años antes de ser l'autor del golpe d'estáu que llevó al poder.
_ribbon.svg){kind=small}
A la so llegada al poder en 1977, el Xeneral Zia-ul-Haq fixo condergar a muerte por aforcamientu al antiguu Primer Ministru Zulfikar Ali Bhutto (padre de la posterior primer ministra Benazir Bhutto), por una vaga hestoria d'asesinatu.
El Xeneral Zia desempeñó un importante papel na Guerra d'Afganistán (1979-1989), apurriendo ayuda financiera y militar a los muyahidín, ayuda que foi fuertemente sofitada polos Estaos Xuníos, que prometieren a Zia territorios nel noroeste pa compensar la perda de Bangladex.
Siguió'l programa nuclear de Paquistán na década de 1970, programa que llogró una esitosa prueba nuclear en 1998, rellanzando'l conflictu cola India, arremente ente otros aspeutos de Caxmir.
A diferencia de Zulfikar Bhutto, atraíu pola llaicidá, el Xeneral Zia tenía la intención d'establecer un estáu islámicu sofitándose nos mulás: prohibió los intereses bancarios, instauró la llimosna obligatoria, los castigos públicos, obligó a les muyeres a ponese'l velu p'apaecer en televisión. El Xeneral Zia quixo dir entá más lloñe al intentar restaurar el califatu que fuera abolíu'l 3 de marzu de 1924 pol presidente turcu Mustafa Kemal Atatürk.
En 1988, cuando diba acompañáu por diplomáticos norteamericanos, el so avión estrellóse sobre Paquistán en circunstancies misterioses. Nun hai pruebes hasta la fecha p'acreditar la teoría d'un asesinatu, patrocináu o non por una potencia estranxera.
La democracia restablecióse pocu dempués de la so muerte cola eleición de Benazir Bhutto.
Referencies
editar- ↑ 1,0 1,1 Afirmao en: autoridaes BNF. Identificador BnF: 12037763k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar
Wikiquote tien frases célebres suyes o que faen referencia a Muhammad Zia-ul-Haq.- Muhammad Zia-ul-Haq Interview with the BBC---Video
- "Who Killed Zia?" by Edward Jay Epstein for Vanity Fair, September 1989
- Government of Pakistan website Archiváu 2005-03-23 en Wayback Machine
- The Constitution of the Islamic Republic of Pakistan
- Chronicles Of Pakistan
- Xeneral Zia-ul-Haq’s plane crash due to mechanical problem (Times of London) Archiváu 2011-09-28 en Wayback Machine
| Predecesor: Tikka Khan |
Xefe de la cúpula del exércitu Pakistaní 1976 – 1988 |
Socesor: Mirza Aslam Beg |
| Predecesor: Fazal Ilahi Chaudhry |
 Presidente de la República Islámica de Paquistán 1978 – 1988 |
Socesor: Ghulam Ishaq Khan |
Datos: Q200499
Multimedia: Muhammad Zia-ul-Haq
