Murray Hamilton
Murray Hamilton (24 de marzu de 1923, Washington (es) 
– 1 de setiembre de 1986, Washington (es) ) foi un actor teatral cinematográficu y televisivu d'Estaos Xuníos, conocíu pola so actuación en filmes como The Hustler, The Graduate y Jaws.
Murray Hamilton | |
|---|---|
 | |
| Vida | |
| Nacimientu |
Washington (es) , 24 de marzu de 1923[1] |
| Nacionalidá |
 Estaos Xuníos |
| Llingua materna | inglés |
| Muerte |
Washington (es) , 1 de setiembre de 1986[1] (63 años) |
| Sepultura |
Oakdale Cemetery (en) |
| Causa de la muerte | cáncanu |
| Estudios | |
| Llingües falaes | inglés[2] |
| Oficiu | actor |
| Nominaciones | |
| IMDb | nm0358069 |
 | |
Biografía
editarNacíu en Washington, Carolina del Norte, Hamilton yá s'interesaba pola actuación nos sos años d'estudios na Washington High School xustu enantes del entamu de la Segunda Guerra Mundial. Por problemes d'audición nun pudo apuntase, polo que, con 19 años d'edá, decidió viaxar a Nueva York pa intentar trabayar como actor teatral.
N'unu de los sos primeros papeles actuó n'escena xunto a Henry Fonda nel clásicu Mister Roberts. En 1960 volvió actuar con Fonda, nesta ocasión na obra Critic's Choice, y en 1968 dambos actores coincidieron de nuevu, esta vegada nel filme dramáticu L'estrangulador de Boston.
De les sos actuaciones cinematográfiques, quiciabes la de mayor fama ye la del obstinado alcalde de Amity Island Larry Vaughn na película de Steven Spielberg Jaws. Hamilton tamién intervieno na secuela Jaws 2 y robló pa retomar el papel del Alcalde Vaughn nun cameo en Jaws: La vengación, anque finó enantes de poder interpretar el mesmu.
Otru títulu notable del so filmografía foi Anatomy of a Murder (1959), con James Stewart, na cual actuaba como'l camareru Al Pacquette. Hamilton trabayó n'otros dos películes de Stewart, The FBI Story (1959) y The Spirit of St. Louis (1957).
Anque nun se prodigó en papeles risibles, na carrera inicial de Hamilton en Hollywood pudo llevar a cabu unu bien risonderu xunto a Andy Griffith y Nick Adams na comedia militar de 1958 No Time for Sergeants. Hamilton yera escoyíu principalmente pa desempeñar papeles dramáticos, tales como'l que fizo nel drama de ciencia ficción Seconds (1966), protagonizáu por Rock Hudson.
Tamién fueron destacaes les sos actuaciones cinematográfiques en The Hustler (1961, con Paul Newman), The Graduate (1967, como Mr. Robinson, home de la Mrs. Robinson interpretada por Anne Bancroft), The Drowning Pool (1975, de nuevu con Paul Newman), The Way We Were (1973) y Brubaker (1980), estos dos últimes películes interpretaes por Robert Redford.
A lo llargo de la so carrera, munchos años enantes y coles mesmes que la so actividá cinematográfica, Hamilton foi un destacáu actor teatral dramáticu, aportando a nomáu a un Premiu Tony pola so actuación na producción de 1965 Absence of a Cello.
Na temporada televisiva de 1959-1960 Hamilton co-protagonizó xunto a William Demarest, Jeanne Bal, y Stubby Kaye la sitcom de la NBC Love and Marriage. Nel show interpretaba a un abogáu, Steve Baker, que vivía nun apartamentu cola so muyer (interpretada por Bal), los sos dos fíes y los sos suegru (encarnáu por Demarest).
En televisión, Hamilton fixo delles docenes d'actuaciones. Destaca'l so trabayu na serie de Rod Serling Dimensión Desconocida, concretamente nel episodiu "One for the Angels," nel cual encarnaba a la Muerte. En 1961 actuó n'otra serie de ciencia ficción, Way Out, presentada por Roald Dahl y na qu'actuaben Doris Roberts y Martin Huston. Hamilton tamién participó nel capítulu de la serie Perry Mason tituláu "The Case of the Deadly Double". D'ente'l restu de les sos interpretaciones televisives ye de destacar el so trabayu como Big Daddy Hollingsworth, el padre de Blanche Deveraux, nun capítulu de la primer temporada de The Golden Girls. Actúo na serie de los años 60 The Fugitive con David Janssen nel capítulu Coralee onde interpretó a Joe Steelman como capitán d'un barcu de bucéu.
Murray Hamilton finó por causa de un cáncer en 1986 en Washington, Carolina del Norte. Foi soterráu nel Campusantu Oakdale de Washington, Carolina del Norte.
Referencies
editar- ↑ 1,0 1,1 Afirmao en: Gemeinsame Normdatei. Identificador GND: 1061545806. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ Identificador CONOR.SI: 61227875. Afirmao en: CONOR.SI.
Enllaces esternos
editar- Murray Hamilton na Internet Movie Database (n'inglés)
- Murray Hamilton na Internet Broadway Database (n'inglés)
Datos: Q978706
Multimedia: Murray Hamilton
