Myrmeleontidae

Myrmeleontidae;
Clasificación científica
Reinu:	Animalia
Filu:	Arthropoda
Clas:	Insecta
Superorde:	Endopterygota
Orde:	Neuroptera
Familia:	Myrmeleontidae; Latreille 1803
Subfamilies
	Dimarinae; Stilbopteryginae; Pseudimarinae; Echthromyrmicinae; Palparinae; Myrmecaelurinae; Acanthaclisinae; Myrmeleontinae; Brachynemurinae; Dendroleontinae; Glenurinae; Nemoleontinae;
Consultes
	[editar datos en Wikidata]

Los mirmeleóntidos (Myrmeleontidae) son una familia del orde Neuroptera, conocíos comúnmente como formiga lleón^[2], anque realmente nun son formigues. Son superficialmente paecíes a los caballinos del diañu, pero estrémense poles sos robustes antenes claviformes.^[3]

El nome de "formiga lleón" débese al bárabu, que vive en suelos arenosos y escava un fuexu en forma d'embudu nel que s'escuende nel so fondu, dexando sobresalir namái los sos quexales. Los inseutos pequeños cayen nesta fuexa y nun pueden salir por cuenta de les parés de sable suelto, de mou qu'acaben comíos pola formiga lleón. Tolos bárabos de formiga lleón aliméntense d'otros inseutos, pero non toles especies caven los fuexos.

Hai cientos d'especies de mirmeleóntidos. Cuando tán desenvueltos dafechu, pueden llegar a midir alredor de 1 cm de llargor. Tien grandes y poderoses quexales. Pasa la fase de pupa en primavera, nel interior d'un brotu recubiertu de sable. Los adultos son depredadores, alimentándose de pequeños inseutos voladores, guxanos y otres especies de formiga lleón. Comuníquense per aciu de feromones. Los sos güevos pónense sobre la vexetación, sobre'l suelu o llixeramente soterraos.

Atópense, sobremanera, nes rexones tropicales, pero n'Europa viven dellos xéneros, llegando una especie inclusive hasta Finlandia. La especie mediterránea Palpares libelluloides merez especial mención, yá que llega a midir los 11 cm de valumbu.

Referencies

↑ Wikispecies, Myrmeleontidae
↑ Sabencia. Nomenclator de seres vivos n'asturianu, Myrmeleontidae.
↑ Barrientos, J. A., 2004. Cursu práuticu d'entomoloxía. Asociación Española d'Entomoloxía, Alicante.

Enllaces esternos

[1]

[1] Wikispecies, Myrmeleontidae

[2] Sabencia. Nomenclator de seres vivos n'asturianu, Myrmeleontidae.

[3] Barrientos, J. A., 2004. Cursu práuticu d'entomoloxía. Asociación Española d'Entomoloxía, Alicante.

[2]

[3]

[1]