NN Apodis

NN Apodis

NN Apodis (NN Aps / HD 137509 / HIP 76011)[1] ye una estrella variable na constelación del Apus, el ave del paraísu. Catalogada como variable Alfa2 Canum Venaticorum —clase tipificada por Cor Caroli2 Canum Venaticorum)—, el so rellumu bazcuya ente magnitú aparente +6,86 y +6,92.[2] Alcuéntrase a 812 años lluz de distancia del Sistema Solar.

NN Apodis
Constelación Apus
Ascensión reuta α 15h 31min 27,12s
Declinación δ -71º 03’ 43,4’’
Distancia 812 años lluz
Magnitú visual +6,86
Magnitú absoluta -0,29
Lluminosidá 185 soles
Temperatura 11.910 K
Masa 3,4 - 3,9 soles
Radiu 3,2 soles
Tipu espectral B9p

NN Apodis ye una estrella blancu-azulada de tipu espectral B9p,[1] la cual, con una edá averada de 77 millones d'años, ta casi nel ecuador de la so estancia dientro de la secuencia principal.[3] Ye una estrella químicamente peculiar que presenta una notable sobreabundancia de siliciu, fierro, cromu y titaniu en rellación al Sol. Nel otru estremu, la so atmósfera ta emprobecida tocantes a heliu, calciu y magnesiu. Tien un fuerte campu magnéticu —el so campu magnéticu superficial algama los 2900 G—, siendo'l segundu más intensu ente les estrelles químicamente peculiares dempués de la conocida Estrella de Babcock.[4]

NN Apodis tien una temperatura efectivo de 11.910 K, siendo'l so radiu 3,2 vegaes más grande qu'el radiu solar. Relluma con una lluminosidá 185 vegaes mayor que la del Sol y ye ente 3,4 y 3,9 vegaes más masiva qu'ésti.[5][3]

ReferenciesEditar

Coordenaes:   15h 31m 27.115s, -71° 3 43.664