Nagi Noda
Nagi Noda (野田 凪 Noda Nagi?) (Tokiu, 18 de payares de 1973 - íb, 7 de setiembre de 2008) foi una artista y direutora xaponesa, conocida polos sos trabayos nel mundu de la música y la publicidá.
Nagi Noda | |
|---|---|
| Vida | |
| Nacimientu | Tokiu, payares de 1973 |
| Nacionalidá |
 Xapón |
| Muerte | 7 de setiembre de 2008[1] (34 años) |
| Estudios | |
| Estudios |
Joshibi University of Art and Design (en)  |
| Oficiu | diseñadora de moda, diseñadora gráfica |
 | |
Biografía editar
Noda nació en 1973 y dende pequeña viose influyida pol arte, pos los sos padres yeren diseñadores. En morando n'Estaos Xuníos mientres dellos años y trabayar n'axencies de publicidá, decidió montar el so propiu estudiu -Uchu Country- en 2003. Más tarde foi contratada pola axencia norteamericana Partizan. El so trabayu tuvo influyíu pola estética pop ya inclusive el surrealismu, y empezó a dirixir anuncios pa televisión y videoclips en Xapón, destacando dende'l principiu poles sos campañes pa Laforet.[2]
En 2004 llogró gran notoriedá con un trabayu pa Panasonic, protagonizáu pola modelu Mariko Takahashi, nel qu'ésta se presentaba como una "ex gorda" d'aspeutu similar a un caniche y asonsañábense los videos d'aeróbic de Susan Powder. Tamién creó un personaxe popular, el hanpanda, que per un sitiu yera un panda y pol otru podía ser cualesquier otru animal. Mientres esos años realizó videos musicales pa grupos como Halcali ("Baby blue"), Yuki Isoya ("Sentimental journey") o'l dúu risible Ogiyahagi ("I love your face"). Tamién fixo incursiones nel mundu del anime, siendo obra so la cabecera d'entamu de la serie Honey and Clover.[3]
Llueu dio'l saltu a nivel internacional, calteniendo'l mesmu estilu. En 2006 llogró un Lleón de Bronce n'el festival publicitariu de Cannes gracies a una pieza pa Coca Cola, titulada "What goes around comes around",[4] y darréu realizó videoclips para artistes como Tiga ("Far from home"), Scissor Sisters ("She's my man") o Cut Copy ("Hearts on fire").[5][6] El so últimu trabayu foi'l videoclip y carátulas d'un cantar de MEG, "Precious".[7]
Nagi Noda finó a los 34 años el 7 de setiembre de 2008. L'añu anterior sufrió un accidente de tráficu y morrió por entueyos derivaos del tratamientu d'una operación.[6]
Referencies editar
- ↑ URL de la referencia: http://www.animenewsnetwork.com/news/2008-09-11/honey-and-clover-opening-director-nagi-noda-passes-away.
- ↑ Brand New (ed.): «Nagi Noda (1973-2008)» (inglés) (5 de marzu de 2009). Consultáu'l 14 de xineru de 2010.
- ↑ Anime News Network (ed.): «Honey and Clover Opening Direutor» (inglés) (11 de setiembre de 2008). Consultáu'l 14 de xineru de 2010.
- ↑ Advertolog (ed.): «Ficha téunica del anunciu de Coca Cola» (inglés). Consultáu'l 14 de xineru de 2010.
- ↑ Audiu Porn Central (ed.): «Nagi Noda R.I.P.» (inglés) (12 de setiembre de 2008). Consultáu'l 14 de xineru de 2010.
- ↑ 6,0 6,1 Jenesaispop (ed.): «Morrió Nagi Noda» (castellanu) (23 de setiembre de 2008). Consultáu'l 14 de xineru de 2010.
- ↑ Cine Cine Cine (ed.): «Nagi Noda» (castellanu) (17 de setiembre de 2008). Consultáu'l 14 de xineru de 2010.
Enllaces esternos editar
Datos: Q3335093
