Oceanodroma castro
Oceanodroma castro, ye una ave de la familia Hydrobatidae.
Oceanodroma castro  | ||
|---|---|---|
.jpg) | ||
| Estáu de caltenimientu | ||
 Esmolición menor (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Procellariiformes | |
| Familia: | Hydrobatidae | |
| Xéneru: | Oceanodroma | |
| Especie: |
O. castro (Harcourt, 1851) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarMide de 19-21 cm y tien un valumbu alar de 43-46 cm. Pesa ente 44-49 g. La so coloración xeneral ye de color escuru y tien una franxa blanca nel uropixu y la so cola ta llixeramente encruciada. Ye similar al Oceanodroma leucorhoa, pero ésti tien la cola más encruciada y la so mancha blanca ye de distinta forma.
Reproducción
editar
Cría namái nes islles de les zones templaes de los océanos Atlánticu y Pacíficu, lo qu'entiende a les Azores y Madeira nel Atlánticu y les Galápagos nel Pacíficu. Añera en colonies cerca del mar nel interior de buecos y biligueres de les roques. Ponen namái un güevu blancu.
Anque se reproducen mientres tol añu recién investigaciones afayaron qu'esisten dos poblaciones qu'usen los mesmos sitios d'añeramientu en distintes estaciones, con picos d'añeramientu en primavera y seronda. Amás los dos poblaciones presenten diferencies nes sos vocalizaciones y dómines de muda del plumaxe.
Comportamientu y alimentación
editarFora de la temporada de cría permanez n'alta mar. Aliméntase picando la superficie de l'agua p'atrapar a les sos preses, invertebraos, pequeños vertebraos y delles vegaes carroña. Dacuando fai inmersiones pocu fondes, d'ente 40-120 cm per debaxo de la superficie. Hai una fondura máxima rexistrada de 170 cm y al paecer ye bien pocu probable y posiblemente errónea debida al mal funcionamientu del equipu de midida.[2]
Esta ave avérase al so llugar d'añeramientu namái pela nueche pa evitar los ataques predatorios de les gaviluetes y los cágalos, evitando averase a tierra inclusive nes nueches clares de lluna llena. Como la mayoría de los demás exemplares de la so especie y petreles la so capacidá pa caminar ta llindada y acútase a movese torpemente hasta'l so cubil.
Referencies
editar- ↑ BirdLife International (2010). Oceanodroma castro. En: UICN 2010. Llista Roxa d'Especies Amenazaes UICN. Consultáu'l 23 de setiembre.
- ↑ Bried, Joël (2005): Diving Ability of the Madeiran Storm Petrel. Waterbirds 28(2): 162-166. DOI:10.1675/1524-4695(2005)028[0162:DAOTMS]2.0.CO;2 HTML abstract
Enllaces esternos
editar- Paíño de Madeira n'Aves de Madeira (n'inglés).
- UMCP Galápagos 2004 Archiváu 2021-04-30 en Wayback Machine - semeyes de les aves nel mar.
| Wikispecies tien un artículu sobre Oceanodroma castro. |
Datos: Q1062575
Multimedia: Hydrobates castro
Especies: Oceanodroma castro
