Operación Wunderland

Plantía:Campaña Frente Oriental

Operación Wunderland
Parte de Campaña en el Ártico (1939-1945) (es) Traducir
Fecha 16 agostu 1942 → 5 ochobre 1942
Llugar Ruta del mar del Norte (es) Traducir
Resultáu
  • Victoria táctica del Exe
  • Victoria estratéxica soviética
Belixerantes
Bandera de Alemaña nazi Alemaña Nazi Bandera de la Xunión Soviética Xunión Soviética
Comandantes
Hubert Schmundt Arseni Golovkó
Fuercies en combate
• 1 cruceru pesáu
• 3 destructores
• Dellos U-boots
Unidaes de la Flota del Norte estacionaes nel Mar de Kara
Baxes
Nenguna Destrucción del Rompexelos A. Sibiryakov ya instalaciones militares en Dikson, Islla de la Soledá y Cabu Zhelániya.
[editar datos en Wikidata]

La Operación Wunderland (n'alemán: Unternehmen Wunderland) foi una operación naval perpetada pola Kriegsmarine de l'Alemaña Nazi contra delles bases navales de l'Armada Soviética nel Mar de Kara y nel Mar de Barents, nel Océanu Árticu. Los alemanes sabíen que dellos buques de guerra soviéticos tuviérense abellugando nel norte mientres l'iviernu, y el 16 d'agostu de 1942 empezó la operación, que coyó despreveníes a les unidaes soviétiques.

Mar de Kara editar

El 19 d'agostu, la flota alemana bordió'l Cabu Zhelániya y entró nel mar de Kara, que taba llibre de xelu mientres el curtiu branu. A otru día, l'hidroavión Llabráu Ar 196 inspeccionó'l mar en busca de buques soviéticos nes Islles de Mohn, acolumbrando a los ruempexelos Lenin y Krassin. La borrina y los témpanos de xelu torgaron que los buques de guerra alemanes averárense. Cuando llegaron a les islles de Mohn, los barcos rusos habíense alloriáu. Entós, el Admiral Scheer volvió al nordeste y avanzó escontra l'archipiélagu Nordenskiöld.

A pesar d'esti contratiempu inicial, l'U-601 fundió'l barcu soviéticu Kuybyshev (2332 BRT) el 24 d'agostu. A otru día, el Admiral Scheer atacó'l ruempexelos rusu A. Sibiryakov xustu en frente de la ilsla Russki nel estremu norte del archipiélagu Nordenskiöld. Dempués del fundimientu del Sibiryakov, el Admiral Scheer dirixiose al Estrechu de Vilkitsky cola esperanza d'interceptar dellos convóis rusos provenientes de Siberia. Darréu, el Admiral Scheer decidió dirixise escontra'l sureste de la islla de Dikson col fin d'atacar les instalaciones militares establecíes na islla. l'ataque causó la destrucción de les naves Dezhnev y Revolutsioner que taben fondiaes nel puertu. Finalmente, el 30 d'agostu de 1942, el Admiral Scheer tornó a Narvik (Noruega).

El 8 d'ochobre, l'U-251 y el Friedrich Eckoldt atacaron la Islla de la Soledá, onde había una estación ártica operada por soviéticos, antes de tornar a Narvik.

Mar de Barents editar

Ente los buques de la Kriegsmarine qu'operaron nel Mar de Barents mientres la operación Wunderland destaca l'U-boot U-209 que fundió'l 17 d'agostu un convói de tresporte del serviciu secretu soviéticu (NKVD), integráu polos buques de carga Nord y Komsomolets al oeste del Estrechu de Yugor. Al paecer, había 328 presos políticos de la NKVD a bordu, de los cualos 305 homes morrieron por fueu d'artillería alemano o por afogamientu. El 20 d'agostu, l'U-456 trató de fundir el ruempexelos soviéticu Feodor Litke aparcáu en Belushya Guba (Nueva Zembla), ensin ésitu. L'U-255 y l'U-209 bombardearon oxetivos soviéticos nel Cabu Zhelániya y Khodovarikha el 25 y 28 d'agostu, respeutivamente.

Referencies editar