Pablo Lago

futbolista y entrenador de fútbol asturianu
04-02-2019 07:44

Pablo Ballesteros Lago (31 d'agostu de 1974A Veiga), conocíu como Pablo Lago, ye un ex-futbolista y entrenador asturianu. Xugaba de mediocampista. Dende xunetu de 2022 ye'l segundu entrenador del Real Uviéu.

Pablo LagoFootball pictogram.svg
Vida
Nacimientu A Veiga31 d'agostu de 1974[1] (48 años)
Nacionalidá Flag of Spain.svg España
Estudios
Llingües falaes castellanu
Oficiu
Oficiu futbolista
Trayeutoria
  Equipu Feather-media-controls-shuffle.svg Feather-core-target.svg
2007–2009 Club Marino de Luanco
2006–2007 Club Deportivo Numancia de Soria
2004–2006 Real Sporting de Xixón
2002–2004 Real Racing Club de Santander
1999–2002 Unión Deportiva Las Palmas
1998–1999 Rayo Vallecano
1997–1998 Club Atlético de Madrid "B" (es) Traducir
1995–1997 Club Deportivo Lugo
1994–1995 Real Uviéu Vetusta
  Entrenador Feather-media-controls-shuffle.svg Feather-core-target.svg
2022– Real Uviéu (segundu entrenador)
2020–2022 Sociedá Deportiva Ponferradina (segundu entrenador)
2017–2019 Real Sociedad Gimnástica de Torrelavega
2015–2017 Real Avilés Club de Fútbol
2014–2015 Caudal Deportivo
2013–2014 Unión Popular de Langreo
2011–2013 Luarca Club de Fútbol
Posición o especialidá estremu izquierdu
Cambiar los datos en Wikidata

TrayeutoriaEditar

Como xugadorEditar

Formóse na cantera del Real Uviéu, pero nun llegó a debutar nel primer equipu. En 1995, coló al C. D. Lugo, de Segunda División B, onde pasó dos temporaes antes d'incorporase al Club Atlético de Madrid "B", na campaña 1997-98. Col filial colchoneru debutó en Segunda División, xugando trenta partíos y marcando tres goles. Al añu siguiente, recaló nel Rayo Vallecano de Madrid, onde robló otra bona temporada y consiguió l'ascensu a Primer División. Sicasí, nun siguió nel conxuntu madrilanu y el so debú na máxima categoría tuvo qu'esperar un añu más, cuando llogró un nuevu ascensu cola U. D. Las Palmas. Pasó dos temporaes en Primer División colos canarios, alternando la titularidá cola suplencia. Ente 2002 y 2004 militó nel Real Racing Club de Santander, pero apenes cuntaba nes alliniaciones. Nel branu de 2004 fichó pol Real Sporting de Xixón, onde goció de minutos, anque munches vegaes saliendo de la suplencia: de los cincuenta y siete alcuentros que disputó en dos años, namái foi titular en diecinueve. Tres d'una estancia ensin demasiada fortuna nel C. D. Numancia de Soria, en 2007 fichó pol Club Marino de Luanco, onde colgó les botes en 2009.

Como entrenadorEditar

Empezó entrenando nes categoríes inferiores del Astur C. F. y, darréu, dirixó al Luarca C. F. de la Tercer División d'España. Na temporada 2013-14 robló un contratu col U. P. Langreo[2] y consiguió l'ascensu a Segunda División B en rematando nel segundu puestu de la clasificación y ganar na promoción al Club Atlético de Monzón,[3] al Club Haro Deportivo[4] y al Mérida A. D.[5] El 25 de xunu de 2014 anuncióse'l so fichaxe como nuevu técnicu del Caudal Deportivo,[6] equipu col qu'apostó de nuevu la fase d'ascensu a Segunda División B, na que foi desaniciáu pol Haro Deportivo na primer ronda.[7] El 2 de xunu de 2015 el club mierense confirmó que nun siguiría nel cargu na siguiente temporada.[8]

El 7 de xunetu anunció'l so fichaxe como técnicu del Real Avilés C. F. pa la temporada 2015-16.[9] El 25 d'abril de 2017 foi destituyíu del cargu.[10] El 16 d'ochobre de 2017 anuncióse'l so fichaxe pola R. S. Gimnástica de Torrelavega.[11]

ClubesEditar

Como xugadorEditar

Club País Temporada
Real Uviéu "B" España 1994-1995
C. D. Lugo España 1995-1997
Club Atlético de Madrid "B" España 1997-1998
Rayo Vallecano de Madrid España 1998-1999
U. D. Las Palmas España 1999-2002
Real Racing Club de Santander España 2002-2004
Real Sporting de Xixón España 2004-2006
C. D. Numancia de Soria España 2006-2007
Club Marino de Luanco España 2007-2009

Como entrenadorEditar

Club País Temporada
Luarca C. F. España 2011-2013
U. P. Langreo España 2013-2014
Caudal Deportivo España 2014-2015
Real Avilés C. F. España 2015-2017
R. S. Gimnástica de Torrelavega España 2017-2019
SD Ponferradina
(segundu entrenador)
España 2020-2022
Real Uviéu
(segundu entrenador)
España 2022-

ReferenciesEditar

  1. Afirmao en: transfermarkt.com. Identificador Transfermarkt d'un futbolista: 7865. Apaez como: Pablo Lago. Data de consulta: 9 ochobre 2017. Llingua de la obra o nome: distintes llingües.
  2. «Pablo Lago toma las riendas del Langreo en sustitución de Ballina» (4 de xunu de 2013). Consultáu'l 5 de xunu de 2013.
  3. «El Langreo se impone al Monzón en casa» (25 de mayu de 2014). Consultáu'l 26 de xunu de 2014.
  4. «El Langreo sigue en la lucha por el ascenso a Segunda B» (8 de xunu de 2014). Consultáu'l 26 de xunu de 2014.
  5. Antuña, Pablo (23 de xunu de 2014). «El Langreo está de vuelta». Consultáu'l 26 de xunu de 2014.
  6. Núñez, Héctor (26 de xunu de 2014). «Pablo Lago ya es nuevo entrenador del Caudal». Consultáu'l 26 de xunu de 2014.
  7. Rodríguez, Fernando (31 de mayu de 2015). «El Caudal se estrella con los penaltis». Consultáu'l 2 de xunu de 2015.
  8. «Pablo Lago no continuará al frente del Caudal Deportivo de Mieres» (2 de xunu de 2015). Consultáu'l 2 de xunu de 2015.
  9. Gutiérrez, Nacho (7 de xunetu de 2015). ««El Real Avilés ye un retu bien ilusionante»». Consultáu'l 7 de xunetu de 2015.
  10. Cembranos, Teresa (25 d'abril de 2017). «L'Avilés destitúi a Pablo Lago». Consultáu'l 25 d'abril de 2017.
  11. «Pablo Lago se hace cargo de la R.S. Gimnástica» (16 d'ochobre de 2017). Consultáu'l 16 d'ochobre de 2017.

Enllaces esternosEditar