Paisaxe protexíu de les Cuenques Mineres d'Asturies
El paisaxe protexíu de les Cuenques Mineres d'Asturies protexe una sierra interior de 13.225 ha que compón el paisaxe protexíu que s'estiende pelos conceyos asturianos de Llangréu, Llaviana, Mieres y Samartín del Rei Aurelio. Esti espaciu natural ta formáu pol valle cimeru del ríu Turón y los ríos Samuño, Santa Bárbara y Villoria y por una sierra montascosa que'l so picu más carauterísticu ye Peña Mea (1.557m) allugáu nel conceyu de Llaviana.
La vexetación representativa son los praos y camperes, según tierres de cultivu. Esisten importantes montes de carbayu y tamién tán representaos fayedales, rebollares, montes mistos de carbayu albar y una pequeña superficie d'abeduriales.
Na fauna hai de solliñar el faisán montés cantábricu , zapiquera, azor, picapodrizu, llondra y galemys pyrenaicus.
L'área foi declarada per aciu Decretu 36/2002, de 14 de marzu, y el Preséu de Xestión foi aprobáu per aciu Decretu 157/2014.[1]
Notes editar
- ↑ Ver l'apartáu «Rede Rexonal d'Espacios Naturales Protexíos d'Asturias (RRENP)», del sitiouoficial del Gobiernu del Principáu d'Asturies, disponible en llinia en: https://www.asturias.es/medioambiente/articulos/ficheros/Paisaje%20protegido%20de%20las%20Cuencas%20Mineras_noPW.pdf.
