Parque Históricu del Navia
El Parque Históricu del Navia ye un proyeutu territorial nacíu del alcuerdu robláu en xunetu de 2005 ente'l Presidente del Principáu d'Asturies, Vicente Álvarez Areces, y los alcaldes de los conceyos qu'integren la contorna del valle del ríu Navia: Bual, Cuaña, El Franco, Grandas de Salime, Eilao, Navia, Pezós, Tapia de Casariego y Villayón, coles mires d'ufiertar un productu cultural y turístico basáu na esplotación conxunta de los recursos allugaos nos citaos conceyos. Col Parque Históricu del Navia aspirar a conformar un espaciu rural sostenible basáu nel meyor aprovechamientu de tolos recursos endóxenos esistentes.
Itinerarios temáticos
editarEl Parque Históricu del Navia cunta con tres puertes d'entrada: una, en Veiga, nel conceyu de Navia; otra, en Grandas de Salime (nel castru del Chao Samartín), y la tercera, en Tapia de Casariego. D'esta manera, introduzse simbólicamente al visitante en trés distintos percorríos temáticos propuestos:
- Los primeros pobladores: un percorríu que parte de la puerta grandalesa p'amosar construcciones megalítiques, castros y esplotaciones auríferas, etc., dalgunes de les buelgues más antigües del home na contorna.
- Los señores de les cases palaciu: un percorríu que parte de la puerta tapiega, llevando al visitante por palacios construyíos dende la Edá Media hasta'l sieglu XIX, y que dan bona cuenta de los sistemes señoriales d'esplotación de les tierres y de les téuniques constructives d'esa dómina.
- Hestories del mar: un percorríu qu'empieza en Veiga, y ta amestáu al mar, a los puertos, les sableres, los ríos, averándonos a la manera de vida de marinos y cazadores de ballenes, de families que la so fonte de sustentu foi'l mar.
Referencies
editarEnllaces esternos
editarPáxina web de la Fundación Parque Históricu del Navia
Datos: Q6062234
