Peñaflor (parroquia)

parroquia del conceyu de Grau (Asturies)

Peñaflor ye una parroquia del conceyu asturianu de Grau. Allugada na fastera nororiental del conceyu, na llende colos conceyos de Les Regueres y Candamu, tien una estensión de 8,57 km² y una población (INE, 2011) de 261 habitantes. Comprende'l llugar homónimu, nel que s'alcuentra la ilesia de San Xuan, y los d'Anzu, Sestiellu y Veiga d'Anzu.

Blue globe icon.svgPeñaflor
P7090263 peniaflor Grado.jpg
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
ConceyuGrado.svg Grau
Partíu xudicial Grau
Tipu d'entidá parroquia d'Asturies
Xeografía
Coordenaes 43°24′06″N 6°02′46″O / 43.401577°N 6.046241°O / 43.401577; -6.046241Coordenaes: 43°24′06″N 6°02′46″O / 43.401577°N 6.046241°O / 43.401577; -6.046241
Peñaflor (parroquia) alcuéntrase n'Asturies
Peñaflor (parroquia)
Peñaflor (parroquia)
Peñaflor (parroquia) (Asturies)
Demografía
Más información
Estaya horaria UTC+01:00
Cambiar los datos en Wikidata
Ponte de Peñaflor

Nel so territoriu s'alcuentra, sobro'l ríu Nalón, la ponte de Peñaflor, de traza orixinal románica anque peralteriada poles sucesives reformas de los caberos sieglos. Foi fecho dempués de que, el 22 de xunu de 1144, el rei Alfonsu VII y la so muyer doña Berenguela dieran dellos bienes pa que se ficiera una ponte nesi llugar y un albergue a la vera d'él. L'albergue fízose, pero llevolu una riada en 1586. No que cinca a la ponte, hebo de reconstruyise delles veces pola mor de les llenes del ríu Nalón. Tien un gran valir hestóricu porque ye la entrada del Camín de Santiago nel conceyu moscón, pero tamién porque alredor d'elli tuvo llugar en 1808, demientres la Guerra de la Independencia, una batalla ente tropes asturianes, de militares y civiles, dirixíes por Gregorio Jove y l'exércitu de Napoleón Bonaparte. Posteriormente, demientres la Guerra Civil española, el llugar amosó otra vegada la so importancia estratéxica.

No que cinca a la so estructura formal, la ponte ye una imponente construcción de piedra con cinco arcos de sillar, de tamañu desigual por culpa les munches reconstrucciones qu'hebo que facé-y dende la so construcción orixinal nel sieglu XII.

ReferenciesEditar

Enllaces esternosEditar