Pedro José Domingo de Guerra
Pedro José Domingo de Guerra y Sánchez de Bustamante (4 d'avientu de 1809, La Paz – 10 de setiembre de 1879, La Paz), foi un xurista bolivianu que foi presidente constitucional de Bolivia en 1879, mientres la guerra del Pacíficu. Foi güelu maternu de José Gutiérrez Guerra, quien llegó tamién a ser presidente de Bolivia, ente 1917 y 1920.
Pedro José Domingo de Guerra | |||
|---|---|---|---|
 | |||
14 abril 1879 - 10 setiembre 1879 ← Hilarión Daza Groselle - Narciso Campero → | |||
| Vida | |||
| Nacimientu | La Paz, 4 d'avientu de 1809 | ||
| Nacionalidá |
 Bolivia | ||
| Muerte | La Paz, 10 de setiembre de 1879 (69 años) | ||
| Estudios | |||
| Llingües falaes | castellanu | ||
| Oficiu | Xurista, maxistráu, políticu | ||
 | |||
Biografía
editarNació nel senu d'una familia noble de prosapia colonial criolla. El so güelu maternu, José Domingo de Bustamante, fuera'l postreru alférez real del cabildru de La Paz; la so güela materna, María Josefa de Peñaranda Rengifo de Avendaño y Salgado, una dama aristocrática chuquisaqueña descendiente de la realeza incaica y de los primeres conquistadores de Perú.
A fines de los años 1830s, foi ministru plenipotenciario del gobiernu de la Confederación Perú-Boliviana ante la corte de St. James, onde casóse con una dama aristocrática irlandesa, Lady Maria Rynd, fiyasca del almirante Thomas Brown (1778-1857) y sobrina del III vizconde de Palmerston (1784-1865).[1] Home íntegru, a tonu coles necesidaes sociales del so tiempu, fundó en La Paz la Sociedá Filolóxica con José Joaquín de Mora,[2] y desempeñó el cargu de ministru d'Educación en 1846 mientres el gobiernu de José Ballivián. Unos años antes, fuera designáu ministru plenipotenciario en Lima, onde llevó a cabu un cometíu que demostró ser un intentu descomanadamente ambiciosu pa la dómina: un tratáu de "Unión americana" ente l'Imperiu del Brasil, Chile, Bolivia, Perú, Ecuador y República de la Nueva Granada, mesmu qu'escluyía a los Estaos Xuníos d'América del Norte.[3]Eminente y probo xurista, aportó a presidente de la Corte Suprema de Xusticia de Bolivia.
Presidente de Bolivia (1879)
editarMientres el gobiernu del xeneral Hilarión Daza (1876-1879) foi xefe del Conseyu de Ministros. Tres l'españíu de la guerra del Pacíficu, al tener dichu mandatariu que retirase y colar escontra'l teatru d'operaciones al frente del exércitu, foi investido presidente del gobiernu, dende abril de 1879.[1] Finó en setiembre del mesmu añu, nel exerciciu de la so alta función.
Obres escrites
editarPublicó delles obres, ente elles:
- Cuestiones d'actualidá (1871)
Referencies
editar- ↑ 1,0 1,1 Rojas, Castu (1917). Boceto. La Paz: Imprenta Velarde, páx. 239, 407.
- ↑ Monguió, Luis, José Joaquín de Mora y el Perú del ochocientos, Madrid, España: Editorial Castalia, 1967 p. 200
- ↑ Cortés, Manuel José, Ensayo sobre la historia de Bolivia, Sucre, Bolivia: Imprenta de Beeche, 1861 p. 181
- Bibliografía *
Homes célebres de Bolivia: de sieglu a sieglu (La Paz: 1920), páxs. 337-339.
| Predecesor: Hilarión Daza Groselle |
 17 d'abril de 1879 - 28 de setiembre de 1879 |
Socesor: Narciso Campero Leyes |
Datos: Q16617486
Multimedia: Pedro José Domingo de Guerra
