Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Periodu helenísticu}} ~~~~ |
Denomínase periodu helenísticu (tamién llamáu alexandrín por Alexandru Magnu) a una etapa histórica de l'Antigüedá, que les sos llendes cronolóxiques vienen marcaos por dos importantes acontecimientos políticos: la muerte d'Alexandru Magnu (323 a. C.) y el suicidiu de la postrera soberana helenística, Cleopatra VII d'Exiptu, y el so amante Marcu Antoniu, tres la so derrota na batalla d'Accio (30 a. C.). Ye l'heriedu de la cultura helénica de la Grecia clásica que recibe'l mundu griegu al traviés de la hexemonía y supremacía de Macedonia, primero cola persona d'Alexandru Magnu, y dempués de la so muerte colos diádocos (διάδοχοι) o socesores, los reis de los trés grandes dinastíes: Ptolemaica, Seléucida y Antigónida. Estos soberanos supieron caltener y afalar l'espíritu griegu tantu nes artes como nes ciencies. Ente la xente culto y de l'aristocracia «lo griego» yera lo importante y nesti conceutu educaben a los sos fíos. El restu de la población d'estos reinos tan desemeyaos (Exiptu, Siria, Macedonia) nun participaba del helenismu y siguía coles sos costumes, la so llingua y les sos relixones. Les ciudaes-estao griegues (Atenes, Esparta, Tebas…) llegaren al cayente y fueren sustituyíes n'importancia peles ciudaes modernes d'Alexandría, Pérgamo y Antioquía, que'l so urbanismu y construcción nun teníen nada que ver coles anteriores. En toes elles falaba la llingua griega, llamada koinè (κoινης), que ye un alverbiu griegu que significa «común», «comúnmente». Vale dicir, la llingua común o panhelénica, principal vehículu de cultura.
Wikimedia Commons acueye conteníu multimedia sobre Periodu helenísticu.
Datos: Q428995