Phecda
Phecda, Phekda o Phad ye'l nome de la estrella γ Ursae Majoris (γ UMa / 64 Ursae Majoris / HD 103287),[9] la sesta más brillosa de la constelación del sietestrellu con magnitú aparente +2,44.[10]
Nome
editarEl nome de Phecda —en cualesquier de les variantes enriba mentaes— provién del árabe فخذ (faxð), «zanca», pola so llocalización nel cuerpu de la osa.
D'alcuerdu al astrónomu persa Al-Biruni (sieglos X y XI), esta estrella yera Pulastya —nacíu de les oreyes de Brahmā—, unu de los rishis o grandes sabios de l'antigüedá védica. En China yera conocida colos nomes de Ke Seuen Ke y Tien Ke.[11]
Carauterístiques físiques
editarXunto con otres estrelles de la constelación —como Alioth (ε Ursae Majoris), Mizar (ζ Ursae Majoris), Merak (β Ursae Majoris) o Megrez (δ Ursae Majoris)—, Phecda forma parte de l'Asociación estelar del sietestrellu, un grupu d'estrelles que se mueven al unísonu na mesma rexón del espaciu y que tienen una edá similar; la edá de Phecda envalórase en redol a los 300 millones d'años. Alcuéntrase a 84 años lluz del Sistema Solar, llixeramente más alloñada que les otres cuatro componentes principales del grupu.[12]
Phecda ye una estrella blanca de la secuencia principal de tipu espectral A0Ve con una temperatura superficial de 9500 K. Con una lluminosidá 72 vegaes mayor que la del Sol, el so radiu ye'l triple del radiu solar. La y nel so tipu espectral indica la esistencia d'un discu de gas xiratorio alredor de la estrella, consecuencia de la so alta velocidá de rotación de 168 km/s nel ecuador, 84 vegaes mayor que la del Sol. La mayor parte de les estrelles d'esti tipu son estrelles más calientes de tipu B —denominaes estrelles Be—, ente les que cabo citar a Achernar (α Eridani) o a Gomeisa (β Canis Minoris).[12]
L'espectru de Phecda indica la presencia d'una compañera cercana, de la que nada se sabe sacantes ten de ser bien tenue.[12]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ 3,0 3,1 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ «UBV photometry of stars whose positions are accurately known. VI». Astronomy and Astrophysics: páxs. 415–419. 1991.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ Barbara Funk (22 payares 2012). «Circumstellar habitable zones of binary-star systems in the solar neighbourhood» (n'inglés). Monthly Notices of the Royal Astronomical Society (4): páxs. 3104–3113. doi:.
- ↑ Name Phecda - Emission-line Star (SIMBAD)
- ↑ Phad Archiváu 2015-07-31 en Wayback Machine (The Bright Star Catalogue)
- ↑ Allen, R.H. (1889) Star Names: Their Lore and Meaning (p. 438)
- ↑ 12,0 12,1 12,2 Phecda (Stars, Jim Kaler)
Coordenaes: 
11h 53m 49.847s, 53° 41′ 41.135″
Datos: Q13099
