Planet of the Apes (película de 2001)

Planet of the Apes ye una película d'Estaos Xuníos asoleyada en 2001, de la triba de ciencia ficción, dirixida por Tim Burton y la sesta de la franquicia Planet of the Apes. Esta foi protagonizada por Mark Wahlberg, Tim Roth, Helena Bonham Carter, Michael Clarke Duncan, Paul Giamatti y Estella Warren. La cinta cuenta la hestoria del astronauta Leo Davidson que tien un aterrizaxe de fuercia nun planeta agospiáu por simios intelixentes. Los simios traten a los humanos como esclavos, pero col gabitu d'una fema de simio llamada Ari, Leo anicia una rebelión.

Planet of the Apes
Datos
Títulu orixinal	Planet of the Apes (en)
Xéneru	cine de ciencia ficción, cine postapocalíptico (es) , cine d'aición, película de ficción especulativa, cine distópicu, película basada nuna novela y película de viajes en el tiempo (es)
País d'orixe	Estaos Xuníos
Estrenu	27 xunetu 2001 (Estaos Xuníos) 1r agostu 2001 (Suecia) 30 agostu 2001 (Alemaña) 2001
Idioma orixinal	inglés
Duración	120 min
Llugar de la narración	Washington DC
Rodaxe	California, Ḥawai, Australia, Arizona, Utah y Pinewood Studios
Formatu	2.35:1
Color	en color
Ficha téunica
Direición	Tim Burton
Producción	Richard D. Zanuck y Ralph Winter
Productor executivu	Richard D. Zanuck
Guión	William Broyles, Jr. (es) Lawrence Konner Mark Rosenthal
Música	Danny Elfman
Fotografía	Philippe Rousselot
Edición	Chris Lebenzon
Repartu	Mark Wahlberg, Tim Roth, Helena Bonham Carter, Michael Clarke Duncan, Paul Giamatti, Estella Warren, Cary-Hiroyuki Tagawa, David Warner, Kris Kristofferson, Luke Eberl, Erick Avari, Evan Parke, Glenn Shadix, Lisa Marie, Charlton Heston, Anne Ramsay, Linda Harrison, Chris Ellis, Michael Jace, Kam Heskin, Joanna Krupa, Deep Roy, Martin Klebba, Lisa Lackey (es) , Kevin Grevioux, Tate Taylor, Rick Baker, Melody Perkins, Isaac C. Singleton Jr. (es) y Freda Foh Shen
Ver llista completa
Compañíes
Productora	20th Century Fox
Distribuidora	InterCom, Netflix y Disney+
Costu	100 000 000 $
Recaldación	362 211 740 $
Calificaciones
CNC	tolos públicos
FSK	FSK 12
JMK	llibre dende los 14 años
Medierådet	pa mayores d'once años
Planet of the Apes (película de 2001) Rise of the Planet of the Apes
Enllaces esternos
Ficha n'IMDb
Ficha en FilmAffinity
Web oficial

El desenrollu d'una nueva versión cinematográfica d'Planet of the Apes escomenzó en 1988 con Adam Rifkin. Nel momentu de la preproducción el proyeutu foi encaboxao. El guión de Terry Hayes, entituláu Retorno de los simios, diba ser protagonizao por Arnold Schwarzenegger, baxo la direición de Phillip Noyce. Oliver Stone, Don Murphy y Jane Hamsher foron escoyíos pa aniciar la cinta. Mentanto Hayes tuvo diferencies creatives col distribuidor 20th Century Fox. Chris Columbus, Sam Hamm, James Cameron, Peter Jackson y los hermanos Hughes acomuñaron más sero. Col guión de Williams Broyles Jr. y Tim Burton como direutor, entamó'l rodaxe de la cinta. Lawrence Konner y Mark Rosenthal reescribieron el guión y el rodaxe asocedió ente payares de 2000 y abril de 2001. Planet of the Apes tuvo delles crítiques, pero foi un ésitu financieru.

Sinopsis

Nel añu 2029, a bordu de la estación espacial Oberon, que ye propiedá de la Fuercia Aérea de los Estaos Xuníos, Leo Davidson (Mark Wahlberg) trabaya adiestrando primates pa afalar naves especiales de reconocencia. El so pupilu favoritu ye'l chimpancé nomáu Pericles. Cuando una truena electromagnética alteria los sistemas d'Oberon, llánzase al pequeñu Pericles nuna misión de reconocencia. Al inxerise nel güeyu de la truena piérdese la comunicación col primate y la nave desapaez. Desobedeciendo les órdes del so comandante en xefe, Leo cueye una segunda nave y va a la gueta de Pericles. Inxeriéndose na truena, Leo pierde contautu con Oberon y estréllase nun planeta nel añu 3002. Ellí descubre qu'esti mundu ta gobernao por simios con xeitu d'humanos, con capacidá de faalar y que traten a los seres humanos como esclavos.

Leo afaya una fema chimpancé llamada Ari (Helena Bonham Carter), que carpe pol feyu tratu que reciben los humanos por parte de los simios. Ari decide mercar a Leo y a una esclava llamada Daena (Estella Warren) pa que trabayen como sirvientes na casa de so pá, el senador Sandar (David Warren). Leo fuxe de la so xaula y llibera a otros humanos. Ari descúbrelos y tres atalantalo amécese a ellos. Leo vese obligao a liderar la rebelión humana escontra los simios y desenvuélvese un triángulu amorosu entre Ari, Daena y elli. El xeneral Thade (Tim Roth) y el coronel Attar (Michael Clarke Duncan) marchen col so exércitu de simios guerreros a la gueta de los humanos. Leo descubre CALIMA ("El templo de Semos"), un llugar sagráu pero prohibíu pa los simios.

CALIMA resulta ser los refugos de la estación espacial Oberon, que s'estrellara escontra el planeta y apruz como una ruina. El nome CALIMA ye parte del cartelu "CAution LIve aniMAls!" (¡Peligru, animales vivos!), parcialmente añubrío pola arena. Acordies cola bitácora, la estación tuvo ellí durante cientos d'años. Leo camienta entós que cuando entró nel vórtice viaxó nel tiempu, mientres que cuando Oberón s'inxirió pa esqueralu, estrellóse nel planeta muncho enantes qu'elli.

La bitácora d'Oberon asoleya que los simios a bordu, lideraos por Semos, amotináronse y tomaron el control de la nave dempués de que s'estrellara. Los sobrevivientes, humanos y simios, aniciaron un conflictu armáu y los seres qu'atopó Leo son los sos descendietnes. Entós alcuéntrense simios y humanos nuna cabera batalla, hasta que dende'l cielu baxa una nave que Leo identifica nel intre. Esta nave ta pilotada por Pericles, el chimapancé astronauta. La truena electromagnética esviólu y foi'l caberu en llegar al planeta. Cuando Pericles baxa de la nave, los simios camienten la so llegada como'l regresu de Semos, el so dios simiu. Los simios allabáncienllu y fina la batalla.

Entós el xeneral Thade sigue a Leo al interior d'Oberon y atácalu, mientres Pericles va a defendelu, quedando mancáu nuna pierna pol ataque de Thade, que toma l'arma de leo tando nel área de controles de la estación espacial. Leo pieslla el área dexando a Thade zarráu nella. Darréu Leo decide marchar del planeta y despídese d'Ari y Daena con un besu. Na nave na que llegó Pericles viaxa al traviés de la mesma truena electromagnética cola que llegó. Leo estréllase en Washington D.C., pero al ver el que debiere ser el monumentu a Abraham Lincoln, nel so llugar ve un monumentu n'honor a Thade. Entós un enxame de periodistes, bomberos y policíes simios ven abluaos a Leo, que s'entruga qué-y fizo Thade a esti mundu.

Repartu

• Mark Wahlberg como'l capitán Leo Davidson.
• Tim Roth como'l xeneral Thade.
• Helena Bonham Carter como Ari.
• Michael Clarke Duncan como'l coronel Attar.
• Paul Giamatti como Limbo.
• Estella Warren como Daena.
• Cary-Hiroyuki Tagawa como Krull.
• Kris Kristofferson como Karubi.

Otros pequeños roles son el de David Warner como'l senador Sandar, Lisa Marie como NOva, Erick Avari como Tival, Luke Eberl como Birn, Evan Parke como Gunnar, Glenn Shadix como'l senador Nado, Freda Foh Shen como Bon y Chris Ellis como'l teniente xeneral Karl Vasich. Charlton Heston, qu'interpretó'l papel cimeru na cinta orixinal, fizo de pá de Thade.

Enllaces esternos

• Datos: Q469624