Abrir el menú principal

Primer República Francesa

La Primer República Francesa, oficialmente la República Francesa (en francés: Republique française) foi'l nome dáu a una serie de réximes parllamentarios y republicanos que s'asocedieron ente'l 21 de setiembre de 1792 y el 18 de mayu de 1804, mientres la Revolución francesa. Empezó oficialmente'l día que los diputaos de la Convención nacional aprobaron l'abolición de la monarquía, confirmando asina la destitución del rei Lluis XVI que fuera suspendíu nel intre de la Xornada del 10 d'agostu de 1792. Duró un total de doce años, hasta l'establecimientu del Primer Imperiu francés por Napoleón Bonaparte en mayu de 1804.

République Française
República Francesa

Flag of France (1790–1794).svg

1804

Flag of France.svg

Bandera de Primer República Francesa

Bandera

Lema nacional: Lliberté, égalité, fraternité
Himnu nacional: La Marseillaise (n'español: La Marsellesa)
Llocalización de Primer República Francesa
La Primer República en 1800
Capital París
Gobiernu República
Historia
 • Destitución de Lluis XVI

10 d'agostu de 1792

 • Afitáu 21 de setiembre de {{{añu_entamu}}}
 • Fin de la Convención Nacional y entamu del Directoriu 26 d'ochobre de 1795
 • Fin del Directoriu y entamu del Consuláu 9 de payares de 1799
 • Proclamación del Primer Imperiu Francés 18 de mayu de 1804
Moneda Franco francés

GobiernosEditar

 
Monumentu a la Convención Nacional

La Primer República pasó por trés formes de gobiernu mientres los sos dolce años d'esistencia:[1]

  • La Convención Nacional, ente 1792 y 1795, con un gobiernu girondino primeru y unu xacobín dempués, conocíu como El Terror, siendo'l líder más conocíu d'esta última etapa Maximilien Robespierre. El periodu que s'empecipia a partir de la so cayida lleva'l nome de Convención termidoriana, y defínese pola so antijacobinismo, la vuelta al poder de los girondinos y de los republicanos moderaos, la presión de los monárquicos y la vuelta a una economía de corte más lliberal.
  • El Directoriu, ente 1795 y 1799, de calter más moderáu. Caracterizáu poles victories militares del exércitu de la República, una grave crisis económica y les disensiones ente'l Directores, que llinden la so capacidá pa gobernar.
  • El Consuláu, ente'l 10 de payares de 1799 y 18 de mayu de 1804: creáu a raigañu del golpe d'Estáu del 18 de Brumario y definíu pola Constitución del añu VIII, termina dempués de la coronación de Napoleón Bonaparte y l'establecimientu del Primer Imperiu francés. Na Constitución del añu XII, ta claro que'l gobiernu de la República ye exercíu por un emperador hereditariu. El nome "República francesa" sume pasu ente pasu en beneficiu de "Imperiu francés".

ReferenciesEditar

  1. «La France et la République» (francés) páx. 4. Amieste deas droits de l'Homme (xineru de 2011). Consultáu'l 24 de xunetu de 2016.

Ver tamiénEditar