Programa Flagship
El Programa Flagship ye una serie de misiones de la NASA pa esplorar el Sistema Solar. Ye'l mayor y de más presupuestu de los trés programes esistentes pa esplorar el Sistema Solar -los otros dos son el programa de mediu costu New Frontiers y el programa de menor costu Discovery.
| Programa Flagship | |
|---|---|
| programa de la NASA | |
 |
Según la NASA, el presupuestu d'una misión del Programa Flagship bazcuya ente los 2 mil millones y 3 mil millones de dólares. Estes misiones van ser cruciales y van dexar al ser humanu algamar y esplorar oxetivos d'alta prioridá. Estos oxetivos especialmente importantes podríen ayudar a alcontrar nes llendes del espaciu llugares con posibilidá de dase habitabilidad planetaria, non yá pal Sistema Solar, sinón tamién para sistemes planetarios polo xeneral. Potencialmente apurren la oportunidá pa identificar molécules orgániques prebióticas o inclusive vida fora de la Tierra, en casu d'esistir, nel Sistema Solar.
Los oxetivos de les misiones del Programa Flagship inclúin misiones complexes a l'atmósfera y superficie de Venus, l'atmósfera baxa y superficie de Titán, la superficie y el sosuelu d'Europa, la fonda atmósfera de Neptunu, la superficie de la so lluna, Tritón, y la superficie del nucleu d'un cometa onde se caltienen muestres calteníes criogénicamente.[1]
Historia
editarEnte les misiones que controla El Programa Flagship atópense la Mars Science Laboratory (embrivida MSL), conocida como Curiosity, la nave-sonda Cassini-Huygens, la sonda Galileo, y les sondes Voyager. Les sondes Voyager marcaron la transición ente les primeres misiones non tripulaes de la NASA como les sondes Mariner, les sondes Viking , les sondes Pioneer, les sondes Surveyor, les sondes Ranger, etc..., y el programa Flagship, que cuntaría con mayor presupuestu. A principios de la década de 1990, la NASA decide dar un enfoque nuevu a les misiones, centrándoles n'oxetivos preseleccionaos, embaraxando la posibilidá d'escoyer ente delles misiones al empar. D'estes seleiciones creáronse dellos programes, según el so presupuestu, siendo estos, de menor a mayor presupuestos, el programa Discovery, el programa New Frontiers y el programa Flagship. Mientres se formen los equipos que controlaríen los programes Discovery y New Frontiers, les misiones del programa Flagship taríen controlaes por equipos formaos poles altes instancies de la NASA. Poro, mientres les misiones de los programes Discovery y New Frontiers tienen un siguimientu programáu y yá estructurado, les misiones del programa Flagship tán entamaes y enfocaes de manera distinta caúna d'elles.
L'Informe Decenal de Ciencia Planetaria del añu 2011 encamentaba a la NASA que la misión con mayor prioridá sería desenvolver un rover por que recoyera muestres en Marte, llamáu Mars Astrobiology Explorer-Cacher (MAX-C), como aportación americana al proyeutu internacional ExoMars, nel que collaboren xunto cola Axencia Espacial Europea y l'Axencia Espacial Federal Rusa y como precursor d'una misión d'ida y vuelta con muestres recoyíes de Marte. La segunda misión de mayor prioridá ye la denominada Jupiter Europa Orbiter, componente de la misión conxunta EJSM/Laplace empecipiada pola NASA y la ESA pa realizar un estudiu detalláu de la lluna Europa pol so altu interés astrobiológico.[2]
Estáu actual
editarEl 13 de febreru de 2012, el Presidente d'Estaos Xuníos, Barack Obama, mientres la presentación del añu fiscal 2013, anunció que por cuenta de los retayos presupuestarios, nun participaría nel proyeutu ExoMars,[3] pa poder costear l'altu preciu que supón asitiar n'órbita'l Telescopiu espacial James Webb.[4] El restu de misiones programaes pola NASA pal programa Flagship tamién fueron suspendíes de manera indefinida.[5][6] El 4 d'avientu de 2012, anunció la NASA l'aprobación de la misión espacial Mars 2020, un rover que tomaría muestres, de la mesma que'l Curiosity.[7] En xunu del añu 2015, tamién foi aprobada la sonda Misión de sobrevuelos d'Europa pola NASA, y entró na etapa de formulación.[8]
Ver tamién
editarReferencies
editar- ↑ Visions and Voyages for Planetary Science 2013 - 2022 Archiváu 2009-04-13 en Wayback Machine (Published in 19 October 2011)
- ↑ New approach for L-class mission candidates. ESA - 19 April 2011
- ↑ [1] Archiváu 2020-04-13 en Wayback Machine Aviation Week (February 14, 2012)
- ↑ Kremr, Ken (1 de febreru de 2012). «Experts React to Obama Slash to NASA’s Mars and Planetary Science Exploration». Universe Today. http://www.universetoday.com/93512/experts-react-to-obama-slash-to-nases-mars-and-planetary-science-exploration/. Consultáu'l 18 de febreru de 2012.
- ↑ NASA Flagship Planetary Missions on Hold Indefinitely
- ↑ "NASA shelves ambitious — and expensive — Flagship missions"
- ↑ Harwood, William (4 December 2012)."NASA announces plans for new $1.5 billion Mars rover" CNET. Retrieved 5 December 2012.
- ↑ Howell, Elizabeth (20 June 2015). "NASA's Europa Mission Approved for Next Development Stage" Space.com. Retrieved 2015-06-21.
Datos: Q2917122
