Pruvia (parroquia)

parroquia del conceyu de Llanera (Asturies)

Pruvia[2] ye una parroquia del conceyu asturianu de Llanera. Ye la más oriental del conceyu, y llenda, amás de coles parroquies de Villardebeyo (N y NO) y Lugo (O), colos conceyos de Xixón y Siero. Tien una estensión de 10,14 km² y una población (INE, 2009) de 2.510 habitantes. Estos viven nos llugares de La Llomba, L'Otero, Pruvia, Pruvia Riba, Remoria, Santolaya y Puga, y tamién na urbanización Soto de Llanera, que s'asitia cerca Santolaya, en terrenos de lo que yeren Paxón y El Cantu los Carneros.

Pruvia
Alministración
País España
Autonomía Principáu d'Asturies
Provincia provincia d'Asturies
Conceyu Llanera
Partíu xudicial Uviéu
Tipu d'entidá parroquia d'Asturies
Xeografía
Coordenaes 43°27′07″N 5°45′57″W / 43.45186°N 5.76595°O / 43.45186; -5.76595
Pruvia alcuéntrase n'Asturies
Pruvia
Pruvia
Pruvia (Asturies)
Altitú 246 m[1]
Llenda con Villardebeyo, Llugo, Serín, L'Abadía Cenero, Samartindianes, Valbona y Viella
Demografía
Población 2707 hab. (2021)
Porcentaxe 19.41% de Llanera
0.27% de provincia d'Asturies
0.27% de Principáu d'Asturies
0.01% de España
Más información
Estaya horaria UTC+01:00
Cambiar los datos en Wikidata

La parroquia ta poblada a lo menos dende'l Neolíticu, como amuesa la estructura tumular atopada n'Ortal. En cuantes al so patrimoniu arquiteutónicu tenemos, como edificios más destacaos, la casona de los Rodríguez de Pruvia y la ilesia parroquial. Esta última, que ta asitiada en Pruvia de Riba y consagrada a Santiago, ye del sieglu XVII y, anque ta remocicada enforma, entá caltién l'escudu de la familia González Candamo. Y en cuantes a la casona, ye de calter rural y formes austeres: d'ente la so decoración esterior namái destaquen les moldures barroques y los escudos d'armes qu'adornen la fachada. Hai, amás, bien d'exemplos de l'arquiteutura tradicional: horros y paneres, cases, molinos (desaniciaos)... Históricamente había, tamién, una venta o mesón en Puga: Xovellanos fala d'ella nos sos diarios, y queda amás el recuerdu toponímicu de la so situación.

Referencies editar

  1. Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  2. «Espediente colos topónimos oficiales de Llanera». BOPA.

Enllaces esternos editar