Llugo
Llugo[2] ye una parroquia del conceyu asturianu de Llanera. Ta allugada na zona centruoriental del conceyu y llenda al norte cola parroquia de Villardebeyo, al este cola de Pruvia, al oeste coles de Posada y Ables, y al sur cola de Cayés y con Llugones conceyu de Siero. Ye, colos sos 16,48 km²[3], la más medrada de les del conceyu, y tien una población de 7716 persones la más poblada del conceyu. Estos tán repartíos ente los barrios de la villa La Estación, La Bérbola, Caraviés, Castañera, Castiello, Fonciello, Mundín, Pando, Pondal, Robleo, Santa Rosa, Silvota, El Truébano, El Cantu San Pedro
 Llugo | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llanera |
| Partíu xudicial | Uviéu |
| Tipu d'entidá | parroquia d'Asturies |
| Xeografía | |
| Coordenaes | 43°26′21″N 5°49′17″W / 43.43906°N 5.8215°O |
  Llugo Llugo (Asturies) | |
| Superficie | 16.48 km² |
| Altitú | 165 m[1] |
| Llenda con | Pruvia, Villardebeyo, Posada, Cayés, Llugones y Viella |
| Demografía | |
| Población | 4683 hab. (2017) |
| Porcentaxe |
335780.56% de Llanera 4628.88% de provincia d'Asturies 4628.88% de Principáu d'Asturies 98.77% de España |
| Densidá | 284,16 hab/km² |
| Viviendes | 1696 (2001) |
| Más información | |
| Estaya horaria | UTC+01:00 |
 | |
Historia
editarLa historia de Llanera dególase al Paleolíticu, yá que d'esta dómina, en concretu del Paleolíticu Inferior, son los más antiguos vestixos allugaos nesti conceyu. Los afayos achelenses del Picu Santu Firme, onde llocalizárense dellos útiles llíticos, como bifaces, fendedores, picos triedros, roedores, etc... son el primer testimoniu del poblamientu de Llugo, [ensin referencies]
N'époques más alantraes, como la Edá del Fierro, alcuéntrense los siguientes elementos del patrimoniu arqueolóxicu de Llanera, yá que nel picu Santu Firme asítiase tamién un castru al que-y xune otru nes arredolaes de Llugo, el Cantu Sampedro. Pero éstes nun son les úniques riqueces qu'acueye'l Santu Firme, yá que na so cume afáyense los restos d'un bastión defensivu de dómina baxo-imperial.
Anque nún espaciu relativamente reducíu alcuéntrense delles restos de dómines estremaes, el más destacáu ye la ciudá de Lucus Asturum, l'antigua capital de los ástures tresmontanos, yá qu'Asturica Augusta yéralo de los ástures cismontanos. En Lucus realizárense delles campañes arqueolóxiques que dieren numberosos materiales, pero que pola contra circunscribiérense a un área mui reducida, polo qu'inda güei nun sabemos abondo sobro les dimensiones y carauterístiques d'esta antigua ciudá de los ástures.
Foi'l xeógrafu griegu Ptolomeo quien yá nel sieglu II mencionó la esistencia de la ciudá romana de Lucus Asturum nos tarrenos de lo qu'anguaño ye Llugo, na vía que xunía Lucus Augusti (Lugo, en Galicia) con Asturica Augusta (Astorga).
Sábese por dellos testos antiguos que Lucus Asturum yera una antigua ciudá amuriada y que colos avatares del tiempu foi destruyida y abandonada. L'allugamientu concretu asítiala xunto a la desapaecida ilesia de Santa María de Llugo (destruyida en 1936, y non reconstruyida posteriormente) y próximu a un pequeñu cuetu llamáu El Cantu Sampedro, nel que José Manuel González identificó un castru, y nel que foren afayaos restos romanos al ser curtiáu pola cárcova del ferrocarril.
Los romanos dexaron güelgues evidentes del so dominiu y de la so estancia nestes tierres y de magar el sieglu XVI viénense produciendo afayos arqueolóxicos de lo que fore esa antigua ciudá: restos d'un altar dedicáu a los llares viales, monedes de plata y cobre, trozos d'una columna, pavimientos, imáxes de bronce, etc.
Demografía
editarLlugo sofriera una fuerte medría de magar delles décades gracies a la so proximidá con Uviéu, llegando a convertise nuna pequeña ciudá dormitoriu.
| Añu | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 |
| Población | 3.631 | 3.689 | 3.835 | 3.982 | 4.141 | 4.315 | 4.326 | 4.432 | 4.506 | 4.572 |
Llocalidaes
editar| Nᵘ | Nome
|
Población | % población Llugo
|
|---|---|---|---|
| 1 | Caraviés
|
72 | 00%
|
| 2 | Castañera
|
144 | 00% |
| 3 | Castiello
|
260 | 00% |
| 4 | El Truébano
|
89 | 00% |
| 5 | Fonciello
|
185 | 00% |
| 6 | La Bérbola
|
268 | 00% |
| 7 | La Estación
|
3380 | 0,010,01% |
| 8 | Pando
|
17 | 00% |
| 9 | Pondal
|
33 | 00% |
| 10 | Robleo
|
92 | 00% |
| 11 | Santa Rosa
|
154 | 00% |
| 12 | Silvota
|
11 | 00% |
Sitios
editar- Caraviés
- La Boría
- La Cordillera
- La Golpina
- La Golpina de Riba
- Les Peñes del Otero
- Castañera
- Castañera de Baxo
- El Campo'l Morgal
- Castañera de Riba
- Castiello
- El Cantu San Pedro
- El Palacio
- Felguerosa
- La Verruga
- Ricao
- El Truébano
- La Quintana
- Mundín
- Fonciello
- El Camparón
- El Camín Rial
- El Canticu
- El Cantu Prao
- El Foro
- El Mecheru
- L'Aguilón
- La Cobertoria
- La Quinta
- La Reguera
- Les Cabañes
- La Bérbola
- Calvín
- El Carrozal
- El Regallegu
- La Barrera
- La Barrosa
- La Salguera
- La Sienra
- Socaraviés
- Pando
- Los Molinos
- Robleo
- El Cabu
- El Cantu
- El Carbayal
- L'Asomu
- La Casa'l Cuetu
- La Marquesa
- La Quintana
- Les Caleyes
- Santa Rosa
- La Barquera
- La Belga
- L'Espadañal
Economía
editarLlugo, al igual que'l restu del conceyu y d'Asturies, tuviera una economía tradicionalmente venceyada'l campu (estaya agropecuaria), que nos más de los casos constituyera una actividá autárquica. Debíu a la so situación na zona central asturiana, de magar finales de los años 1960 viera ñacer y medrar una actividá industrial hasta esi momentu desconocida na zona. En Llugo alúgase'l polígonu industrial de Silvota, que recueye un númberu mui importante d'empreses y constitúi una de les mayores superficies industriales d'Asturies, por mor de les sos carauterístiques orográfiques y a les sos bones comunicaciones.
Llugo poseye una llinia de ferrocarril y unos talleres de Renfe.
Festividaes
editarLa so fiesta patronal ye'l domingu siguiente a la celebración de la denomada "Virxe d'Agostu", polo que nun tien una data fixa nel calendariu, tando consagraes les fiestes a la patrona, Santa María. La duración ye de 5 díes, siendo l'últimu'l correspondiente a la xira nel prau de la fiesta, col repartu de la botella de vinu y el bollu preñáu. Estes fiestes foren organizaes nos caberos años pola Asociación Cultural y de Festexos de Perllugo.[4]
Referencies
editar- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Llanera». BOPA.
- ↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
- ↑ «Se acercan las fiestas de Lugo» (castellanu). Archiváu dende l'orixinal, el 2023-10-05.
Enllaces esternos
editar.svg){kind=small}
|
Parroquies de Llanera | |
|---|---|---|
| Ables | Arlós | Bonielles | Cayés | Ferroñes | Llugo | Pruvia | Posada | San Cucao | Santa Cruz | Villardebeyo | ||
Datos: Q23013344
