Ferroñes (parroquia)
Ferroñes[2] ye una parroquia del conceyu asturianu de Llanera. Ocupa 9,35 km² de la fastera centruseptentrional del conceyu y tien, nos llugares d'Areñes, Ferroñes, Montagudo y Noval, 195 vecinos (INE, 2009). La parroquia yá esiste con esi nome a lo menos dende 1161. Nesi añu Urraca la Asturiana cedió a la catedral d'Uviéu esti pueblu, xunta otros más del conceyu de Llanera.
 Ferroñes | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llanera |
| Partíu xudicial | Uviéu |
| Tipu d'entidá | parroquia d'Asturies |
| Xeografía | |
| Coordenaes | 43°28′39″N 5°52′06″W / 43.47746°N 5.86826°O |
  Ferroñes Ferroñes (Asturies) | |
| Altitú | 203 m[1] |
| Llenda con | Arlós, Bonielles, San Cucao, Rondiella, Villardebeyo y Solís |
| Demografía | |
| Población | 185 hab. (2020) |
| Porcentaxe |
1.33% de Llanera 0.02% de provincia d'Asturies 0.02% de Principáu d'Asturies 0% de España |
| Más información | |
| Estaya horaria | UTC+01:00 |
 | |
Nel so territoriu hebo mines de carbón. Según los vecinos, foron les primeres que s'esplotaron n'Asturies, anque tuvieron en marcha pocu tiempu, allá pelos sieglos XVIII y XIX. Madoz, nel so diccionariu (Diccionario geográfico-histórico-estadístico, 1845-1850), diz que "en este término existen algunos criaderos de carbón de piedra muy útil para la elaboración del gas (...). Estos minerales fueron esplotados hace algunos años, y sin duda dejaban poca utilidad a los empresarios cuando los han abandonado". Parez, sicasí, que tiempu dempués foron esplotaes otra vuelta. Diz Fermín Canella, nel capítulu dedicáu a Llanera na so obra Asturias (1900) que "en Ferroñes tienen mina de carbón los señores Hijos de San Miguel, de Avilés, y en cuasi agotado criadero, fueron notorias las ricas capas "Trastornada" y "Mayor"". Hebo tamién mines de cobre de bona calidá, n'esplotación en tiempu de Madoz pero yá abandonaes nel de Canella, y una cantera, de la que se sacó bien de piedra pa facer l'aeropuertu d'Asturies.
Fíos nomaos de la parroquia editar
- José Quevedo y González Llanos, Pepín Quevedo (1848-1911), escritor n'asturianu.
- Francisco Álvarez Martínez (nacíu en 1925), eclesiásticu. Anguaño ye cardenal eméritu de Toledo.
Bibliografía editar
Referencies editar
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Llanera». BOPA.
Enllaces esternos editar
.svg){kind=small}
|
Parroquies de Llanera | |
|---|---|---|
| Ables | Arlós | Bonielles | Cayés | Ferroñes | Llugo | Pruvia | Posada | San Cucao | Santa Cruz | Villardebeyo | ||
Datos: Q8961493
