Punt
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Punt ye un antiguu territoriu descritu polos testos en xeroglíficos del Antiguu Exiptu. Nun pudo ser alcontráu con certidume anque posiblemente pudiera tar asitiáu na mariña africana del océanu Índicu.
Carauterístiques
editarLa primer narración d'una espedición a estes tierres remóntase al 2500 e. C.; foi unviada pol faraón Sahura, de la dinastía V d'Exiptu, pa traer maderes precioses, mirra, electrum (una aleación d'oru y plata), monos y nanos.
Tamién Pepi II, faraón de la dinastía VI, decidió unviar un barcu al país de Punt, «un llugar asitiáu na mariña de Somalia. El puntu d'embarque tenía d'atopase sobre la mariña asiática del mar Roxu» (Y. Driotón, J. Vandier, 1964).
Mentuhotep III, de la dinastía XI, unvió otra espedición la cual quedó rexistrada n'inscripciones grabaes nes roques del valle d'Uadi Hammamat.
El canciller Henu mandó una espedición de trés mil homes; la so inscripción rellata:
Fui unviáu a conducir barcos al país de Punt pa traer al faraón especies fragantes que los príncipes del país Coloráu recueyen profusamente yá que entusiasmen a toles naciones. Y partí de la ciudá de Coptos pos La so Santidá ordenó que los homes armaos que teníen d'acompañame teníen de ser del sureñu país de los Tebanos
La espedición más célebre foi la unviada pola reina Hatshepsut, de la dinastía XVIII, acontecimientu que ta grabáu nel so templu en Deir el-Bahari:
Voi Esplorar les rutes escontra Punt, voi afayar los caminos escontra les terraces de mirra, n'emponiendo a la tropa per mar y tierra pa traer maravíes de la Tierra de dios pa esti dios que creó les sos perfecciones...Traen munches maravíes y toa clase de productos típicos de la Tierra de dios a polos que la to maxestá unviólos: montones de tarrones de mirra y árboles de mirra fresca con cepellón, llantaos nel patiu de ceremonies pa ser vistos por tolos dioses...
El xefe de Punt, Palhu, la so esposa Aty, los sos dos fíos, de la so fía y del pollín que carga cola so esposa...
Cargando pesadamente los barcos coles maravíes del país del Punt: toles bones maderes arumoses de la Tierra del dios, montones de resina de mirra, nuevos árboles de mirra, ébanu, marfil puru, oru verde de Amu, madera de cinamomo, madera-hesyt, inciensu-ibemut, inciensu, pintura de güeyos, monos, babuinos, perros, pieles de pantera del sur, y siervos y los sos fíos...
Posibles allugamientos de Punt
editarReferencies
editarEnllaces esternos
editar
Wikimedia Commons acueye conteníu multimedia sobre Relieves de la espedición a Punt.- Testu de la espedición en Deir el-Bahari
- La espedición a Punt en Deir el-Bahari
Datos: Q282350- Multimedia: Land of Punt
