Puntu (diacríticu)

Puntu
Tipu	diacríticu

El puntu ye un diacríticu que pue combinase con delles lletres del alfabetu llatín estendíu usáu nes llingües d'Europa del Este y en vietnamita.

Puntu cimeru

Romanización del árabe: representa la lletra ghayn.
La tipografía tradicional irlandesa, onde'l puntu representa lenición y llámase ponc séimhithe ("puntu de lenición"): ḃ ċ ḋ ḟ ġ ṁ ṗ ṡ ṫ. La lenición tamién pue representase por una h que siga a la lletra, por casu: bh ch dh fh gh mh ph st th. Na ortografía del irlandés antiguu, el puntu namái s'usó pa ḟ ṡ, ente que la h siguiendo a la lletra usóse pa ch ph th; la lenición d'otres lletres nun taba indicada. La práutica estándar foi usar el puntu cimeru pa la escritura gaélico y la h siguiendo a la lletra pa escribir en Antiqua. Por casu, ċ y ch representen el mesmu elementu fonéticu n'irlandés modernu.
Lituanu: ė
Maltés: ċ ġ ż
Polacu: ż
El puntu sobro les minúscules i y j (y la mayúscula İ en turcu) nun ta consideráu un diacríticu independiente, sinón parte de la lletra.
El bindu.

Nel AITS y nel sistema de romanización de la Biblioteca Nacional de Calcuta, pa la trescripción de Llingües indoaries, un puntu baxu una lletra indica una consonante retroflexa. So una m o una n, indica una anunasika.
Nes romanizaciones de llingües semítiques, un puntu baxu una consonante representa énfasis. Por casu, ṣ representa una s enfática o ṭ que representa una t enfática.
Nes Llingües afroasiátiques: Ṛ
L'asturianu utiliza ḷḷ y ḥ pa representar les variantes dialeutales occidentales (ḷḷ ← ll) y orientales (ḥ ← f).
Ḍ utilizase nel idioma o'odham pa representar la consonante oclusiva retroflexa sonora.
En vietnamita, el tonu nặng (baxu, glotal) representa con un puntu so la vocal base: ạ ặ ậ ẹ ệ ị ọ ộ ợ ụ ự ỵ.
En yoruba, el puntu emplegase so les lletres o, y y s (ẹ ọ ṣ). Estes lletres pueden apaecer tamién ensin puntu, como lletres distintes.
N'igbo, apaecen les lletres ị, ọ y ụ. El puntu inferior simboliza unu amenorgamientu de l'abertura de la vocal.
La x̣ representa una consonante fricativa uvular sorda na Notación Fonética Americanista.