Quark visu
El quark visu (o quark t del inglés "Quark Top"), ye una partícula elemental que pertenez a la tercer xeneración de quarks. Tien asignaos una pixa a +⅔[1] de la carga elemental y un spin de ½,[1] colo cual ye un fermión y cumple el principiu d'esclusión de Pauli. Como los demás quarks los quarks visu sienten la interacción fuerte y tienen carga de color, asina mesmu'l antiquark visu tien carga de anticolor.
Ye'l más masivu de los quarks descubiertos hasta la fecha, tan masivu como los nucleos d'oru[ensin referencies]. Por cuenta de la so inmensa masa (unos 174 GeV en reposu)[2] ye una partícula bien inestable, qu'aparra en menos d'un yoctosegundo, colo que nun tien nin tiempu pa formar hadrones con otros quarks (esti procesu llámase hadronización). Por esti fechu aprove un llaboratoriu pa poner a prueba les conocencies sobre la interacción fuerte. Una midida exacta de les sos propiedaes pueden aprovir información clave na rotura de la interacción electrodébil.[1]
Foi'l postreru de los quarks descubiertos, en 1995 nel Fermilab.[3] Hasta la entrada en funcionamientu del LHC, el Tevatrón del Fermilab foi l'únicu acelerador de partícules lo suficientemente enerxéticu pa producir quarks visu, formaos al topetar un protón y un antiprotón con una enerxía de 1,96 teraelectronvoltios. Dempués de la so fugaz esistencia, casi siempres aparra nun bosón W+ y nun quark fondu.[4] En principiu, los científicos[¿quién?] pensaron llamalo "quark verdá" (Truth), pero col tiempu quedóse-y el nome de quark visu (Top)[ensin referencies].
Esti quark dota a los hadrones que forma con un númberu cuánticu llamáu 'superioridá' (posible traducción de "topness"), que se define como'l númberu de quarks visu menos el númberu de antiquarks visu que lu formen. Esti númberu cuánticu, al igual que la "estrañedá", el "encantu" o la "guapura" (númberu de quarks (sabor) s, c o b presentes nuna cierta partícula, menos el númberu de correspondientes antiquarks), pue ser violáu pola interacción débil, pero non pola interacción fuerte nin la electromagnética, que caltienen el sabor de los quarks.
Referencies
editar- ↑ 1,0 1,1 1,2 "The top quark Archiváu 2017-01-25 en Wayback Machine". C. Patrignani et al. (Particle Data Group) Archiváu 2016-12-31 en Wayback Machine, Chin. Phys. C, 40, 100001 (2016).
- ↑ «Diccionariu Nuclear». Consultáu'l 12 de marzu de 2017.
- ↑ «Historic Results». Consultáu'l 21 de febreru de 2017.
- ↑ C. Patrignani et al. (Particle Data Group), Chin. Phys. C, 40, 100001 (2016).
Ver tamién
editarEnllaces esternos
editarDiscovery of the Top Quark http://www.slac.stanford.edu/pubs/beamline/25/3/25-3-carithers.pdf