Quinton Aaron
Quinton Aaron (15 d'agostu de 1984, The Bronx) ye un actor d'Estaos Xuníos, conocíu pol so primer papel protagonista como'l xugador de fútbol Michael Oher nel drama The Blind Side (2009).[3]
Quinton Aaron | |
|---|---|
 | |
| Vida | |
| Nacimientu | The Bronx, 15 d'agostu de 1984[1] (39 años) |
| Nacionalidá |
 Estaos Xuníos |
| Residencia | Tampa |
| Llingua materna | inglés |
| Estudios | |
| Llingües falaes | inglés[2] |
| Oficiu | actor de cine, actor de televisión |
| IMDb | nm2466842 |
 | |
Vida privada editar
Quinton Aaron nació nel popular barriu neoyorquín del Bronx (Estaos Xuníos) y creció en Xeorxa, onde vivió cola so madre Laura Aaron, escritora de la novela Leave Me Alone publicada por AuthorHouse col nome artísticu de L.A Aaron. Quinton empezó a cantar a una edá temprana. Con 9 años Quinton bautizóse y xunióse al coru de la ilesia como cantante mudu, finalmente sería un miembru destacáu del coru. El so debú como actor producióse na obra de Navidá.
Destaca'l gran altor del actor con 2,03m.[4] Esti altor fízolu perfeutu pal papel de Michael Oher en The Blind Side (2009).
Carrera editar
Quinton debutó nel cine cola cinta Be Kind Rewind (2008) protagonizada por Mos Def y Jack Black. Tamién intervieno na película Fighting (2009) protagonizada por Channing Tatum y Terrence Howard.[5]
En televisión participó en series como la esitosa Law & Order: Special Victims Unit (1999) na temporada 17, en dos episodios, interpretando en dambos a axentes de seguridá. En 2010 volvió participar en dicha serie nun episodiu nuevu.[6]
El so primer papel protagonista pa la gran pantalla túvolu col drama The Blind Side (2009) protagonizáu por Sandra Bullock, nel qu'interpretaba a Michael Oher, el famosu xugador de fútbol. Dirixida por John Lee Hancock y basada na novela The Blind Side: The Evolution of a Game, escrita por Michael Lewis. La cinta tuvo nominada al Óscar a la meyor película.[7]
Referencies editar
- ↑ URL de la referencia: https://pantheon.world/profile/person/Quinton_Aaron. Apaez como: Quinton Aaron. Data de consulta: 9 ochobre 2017.
- ↑ «idRef» (francés). Agencia Bibliográfica de Enseñanza Superior. Consultáu'l 12 mayu 2020.
- ↑ Consultáu en 2010 Repartu de personaxes de The Blind Side IMDb (n'inglés)
- ↑ Consultáu en 2010 Estatura de Quinton Aaron IMDb (n'inglés)
- ↑ Consultáu en 2010 Filmografía como actor IMDb (n'inglés)
- ↑ Consultáu en 2010 Exclusive: Jill Scott and Blind Side's Quinton Aaron Guest on SVU tvguide (n'inglés)
- ↑ Consultáu en 2010 The Blind Side nomada al Óscar a la meyor película IMDb (n'inglés)
Enllaces esternos editar
Wikimedia Commons acueye conteníu multimedia sobre Quinton Aaron 
.
- Quinton Aaron na Internet Movie Database (n'inglés)
Datos: Q2093874- Multimedia: Quinton Aaron
