R Leporis

R Leporis (R Lep / HD 31996 / HR 1607) ye una estrella variable de la constelación de Lepus, cerca de la llende con Eridanus. Visualmente ye una estrella d'un color coloráu vívido, que'l so rellumu varia ente magnitú aparente +5,5 y +11,7. Descubierta por John Russell Hind en 1845, ye tamién conocida como «Estrella carmesí de Hind».

Ficha d'oxetu celesteR Leporis
estrella[1]
Datos d'observación
Ascensión reuta (α) 74,901450164012 °[2]
Declinación (δ) −14,806253175724 °[2]
Distancia a la Tierra 418,5677 pc
Magnitú aparente (V) 7,76 (banda V)
Constelación Lepus (es) Traducir[4]
Velocidá radial 32,6 km/s[5]
Parallax 2,3891 mas[2]
Tipu espectral C-rich[6]
Otros nomes
Cambiar los datos en Wikidata

Coordenaes: Sky map 4h 59m 36.348s, -14° 48 22.511

A una distancia averada de 1100 años lluz, R Leporis pertenez a la rara clase d'estrelles de carbonu, siendo'l so tipu espectral C6. Nestes estrelles, los compuestos de carbonu nun dexen pasar la lluz azul, polo que tienen un color coloráu intensu. En R Leporis la rellación carbonu-oxíxenu envalorada ye 1,2, más del doble que la esistente nel Sol. Tien un radiu ente 480 y 535 vegaes más grande que'l radiu solar, equivalente a 2,2 - 2,5 UA. Si tuviera nel centru del Sistema Solar, la so superficie estenderíase más allá de la órbita de Marte. La so temperatura superficial, desaxeradamente baxa pa una estrella, ta entendida ente 2050 y 2290 K. Relluma con una lluminosidá ente 5200 y 7000 vegaes superior a la del Sol, siendo la mayor parte de la enerxía radiada como radiación infrarroxo.

R Leporis ye una estrella variable Mira, variando en tamañu, temperatura y lluminosidá. El so periodu d'oscilación ye de 430 díes, anque superpuestu a ésti esiste un periodu más llargu, d'unos 40 años. L'orixe del periodu más llargu pue tar rellacionáu cola espulsión d'un cascu de polvu per parte de la estrella.

Ver tamiénEditar

ReferenciesEditar

Coordenaes:   4h 59m 36.348s, -14° 48 22.511

  1. Afirmao en: SIMBAD.
  2. 2,0 2,1 2,2 2,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
  3. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data d'espublización: 2002.
  4. Afirmao en: VizieR. Llingua de la obra o nome: inglés.
  5. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  6. «A comparison of photospheric and circumstellar HCN / CO -ratios for bright carbon stars» (n'inglés). Astronomy and Astrophysics:  páxs. 405–411. 1990.