Abrir el menú principal

Rariorum plantarum historia

Un grabáu de Nymphaea tal como apaez en Rariorum plantarum historia

Rariorum plantarum historia (1601) ye la primer edición de les obres completes del prestixosu botánicu francés Carolus Clusius (1526-1609). Clusius foi unu de los botánicos más afamaos del so tiempu, l'Emperador Maximiliano II confió-y la direición de la so xardín botánicu y en 1593 concedióse-y la Cátedra de Botánica de la Universidá de Leiden. Amás de ser un escelente botánicu, foi un eximio horticultor: introdució la papa n'Italia y el tulipán en Holanda.

Na primer parte de Rariorum plantarum historia Clusius sintetiza'l material presentáu nes sos obres Rariorum aliquot Stirpium per Pannoniam et Austriam Observatarum Historia (1583) y Rariorum aliquot stirpium per Hispanias (1576), nes que describe les flores d'Austria y España, conxuntamente coles descripciones de nueves plantes. Esta primer parte se continua con Fungorum historia, el primer tratáu espublizáu alrodiu de los fungos, que foi escritu por Clusius mientres la so estancia n'Hungría. La obra tópase profusamente ilustrada con casi 1200 grabaos en madera, que inclúin 233 especies d'España y 356 de Austría y Hungría. Los grabaos en madera fueron cortaos por Gerard van Kampen sobre los dibuxos realizaos por el mesmu Clusius y por Pieter van der Borcht.

Ver tamiénEditar

BibliografíaEditar