Raza (clasificación de seres humanos)

El términu raza ye utilizáu pa definir grupos con carauterístiques hereditaries comunes nos que se subdividen delles especies animales. Se habien descritu cuatro races principales (caucasoide, mongoloide, negroide y australoide) y que estes dividiense en subraces o fenotipos.

Dende los años 1940, los científicos evolucionistes refugaron la conceptualización de raza onde un númberu finitu de carauterístiques esenciales puen usase pa determinar el númberu de races. Munchos científicos evolucionistes y sociales cunten qu'a la definición común de raza, o a cualquier definición de raza relativa a los humanos, fálta-y rigor y validez taxonómica. Argumenten que son imprecises y arbitraries, y que les races reparaes varíen según la cultura esaminada.

Parte de los antropólogos postulen que la especie humana ta compuesta por una única raza y qu'ésta s'estrema en distintes etnies, que de la mesma s'estremen en pueblos. Estes teoríes antropolóxiques apaecieron nos años 1960 en parte como reaición frente a les teoríes científiques relatives al predeterminismu biolóxicu que predeterminaron el segregacionismu y la discriminación racial, presentes por aquel tiempu nel contestu de los países occidentales. Tamién fueron influyentes los resultaos de les investigaciones de los antropólogos Franz Boes y más llueu Claude Lévi-Strauss que resaltaron los enclinos etnocéntricos de toa cultura. A mediaos de la década 1950, la UNESCO encamentó sustituyir la noción de raza humana, considerada non científica y confusa, pola d'etnia, basada más nes diferencies culturales (llingua, relixón, costumes, etc.).

Na antropoloxía moderna la distinción ente factores biolóxicos y étnicos o culturales puramente dichos ta meyor definida. Ello débese a los enfoques multidisciplinarios presentes na actualidá.

La distancia xenética media Fst ente les poblaciones humanes ye d'aproximao 0,125. Lewontin argumentó qu'sto representa una pequeña variación racial.^[1] Harpending, pol contrariu, argumentó que tal distancia implica parentescu ente individuos de la mesma población equivalentes al parentescu ente medios hermanos nuna población qu'aparea de manera aleatoria, y qu'una persona d'una cierta población ta xenéticamente más próxima a un individuu ensin parentescu de la mesma población que a un mediohermanu de raza mista.^[2]

Referencies

Enllaces esternos

[1] ttps://link.springer.com/chapter/10.1007/978-1-4684-9063-3_14

[2] ttps://www.jstor.org/stable/27503827

[1]

[2]