Real Academia Asturiana de les Artes y les Lletres
La Real Academia Asturiana de les Artes y les Lletres foi una institución creada na villa de Xixón el 10 de febreru de 1919 cola presidencia d'honor del Príncipe d'Asturies.
| Real Academia Asturiana de les Artes y les Lletres | |
|---|---|
| Direición | España |
| Historia | |
| Fundación | 1919 |
 | |
Aniciu editar
Nel Xixón d'aquella dómina xuntaben la mayoría d'escritores n'asturianu. Yera'l tiempu del Rexonalismu, con un enfotu claramente cultural, que recibiera aportes del Carlismu. La xente escritor y esmolecío pol tema llingüísticu (y bien d'esta xente refuxó nel elementu llingüísticu) caltuvo ello como principal xera. Asina foi que, la llingua, foi xunto a la música, el so principal elementu d'estudiu y preocupación, tanto científico como político.
1919 foi tamién l'añu de la creación de la Real Academia de la Llingua Vasca, o Euskaltzaindia; y yá n'Asturies dende Xovellanos había la idea de la creación d'una institución pal estudiu y fixación del idioma.
Too ello desendolcó na creación d'esta institución.
Lema editar
El lema de la Real Academia Asturiana de les Artes y les Lletres yera "Academia Asturiana d'Artes y Lletres, investiga, conserva y purifica".
Composición editar
Componíen l'Academia les persones siguientes:[1]
- Presidente Honorariu:
- S. A. R. el Sermu. Príncipe de Asturias.
- Académicos Honorarios
- Excmu. Sr. Conde de Revillagigedo
- Excmu. Sr. Marqués de Canillejas
- Ilmu. Sr. Fermín Canella Secades, cronista d'Asturies
- Académicos de númberu:
- Presidente: D. Fabriciano González Fabricio
- Vicepresidente: D. Francisco Rúa
- Secretario: Sr. Vizconde de Campo Grande
- Archivero: Francisco González Prieto Pachu'l péritu
- Calixto de Rato y Roces
- Carlos Cienfuegos Jovellanos
- Eustaquio Abad y Corrales
- Emilio Robles Pachín de Melás
- Manuel Daniel Antuña
- Enrique García Rendueles (Presbíteru)
- Don Ángel de la Viña Corral
- José García Peláez Pepín de Pría
- Alfredo García Adeflor
- Wenceslao García González
- Moisés Díaz
- Conde de la Vega del Sella
- Acevedo Huelves
- Cipriano Pedrosa
- Correspondientes:
- Marcos del Torniello (Avilés)
- J. M. Álvarez Acevedo, (L'Habana)
- Constantino Cabal, (Direutor d'El Oriente de Asturias, Llanes)
- Grupu femenín:
- Eva Canel
- Consuelo Cienfuegos Jovellanos
- María Luisa Castellanos
Esmolecimientos editar
De según los sos reglamentos aprobaos el 15 de marzu de pa esi añu, la Real Academia tien d'ámbitu pa facer el so trabayu les siguientes estaxes:
- Facer un diccionariu y una gramática de la llingua asturiana, amás d'espublizar una revista.
- Ocupase de la poesía y la lliteratura asturiana.
- Dedicase a crear un Teatru n'asturianu.
- Encargase del estudiu de la música popular asturiana.
Desaniciu editar
Cola crisis económica de los años 30 y la propia crisis del asturianismu cultural a finales de los años 20 la Real Academia foi morriendo; d'una por falta d'apoyu económicu, d'otra pola falta del sofitu d'una clase burguesa fuerte, cosa que nel casu vascu o catalán nun socediera.
Sicasí, munchos de los académicos foren "abellugar" les sos inquietúes asturianistes y intelectuales nel RIDEA, creáu nel 1945, qu'a traviés de les sos monografíes dialeutales y de la so lliteratura de vezos, fizo delles vueltes d'institución llingüística del asturianu, agospiando estudiosos, hasta'l Surdimientu.
Referencies editar
- ↑ Inaciu Galán (2022). «Novedaes sobre la Real Academia Asturiana de Artes y Letras de 1919» (pdf). Academia de la Llingua AsturianaLletres Asturianes 126. Consultáu'l 1 de julio de 2022.
Bibliografía editar
- González Delgado, Ramiro - Pachín de Melás, Obra completa 1. Trabe, Uviéu 2001, Edición pa la XXII Selmana de les Lletres Asturianes.
Datos: Q9066977
