Rock the Casbah

Rock the Casbah
Datos
Tipu	cantar
Distribución	discu de vinilu
Álbum	Combat Rock
Intérprete	The Clash
Idioma	inglés
Xéneru	new wave
Lletrista	Joe Strummer, Mick Jones y Topper Headon
Compositor	Topper Headon, Mick Jones y Joe Strummer
Productor	Lee Perry (es)
Fecha publicación	1982
Cronoloxía de The Clash

Rock the Casbah ye un cantar de los británicos The Clash espublizáu nun cenciellu xunto a Long Time Jerk en 1982, foi l'únicu tema de los británicos qu'entró nel Top 10 de los EE.XX..

La lletra del cantar fala d'un xeitu humorísticu sobre la prohibición del rock n'Irán pol Ayatollah Khomeini y sobre l'imaxinariu llevantamientu del pueblu escontra esta midida. Na lletra cuéntase como'l rei ordena al exércitu atacar colos sos jet-caza al que nun cumpla cola norma, pero los pilotos nun faen casu a la orden y escuchen rock nes sos radios. Nel videu del cantar tamién pue vese una llamada pola meyora de les rellaciones ente árabes y israelinos, nelli podemos ver un xudiu y un árabe baillando ska.

Curiosidaes

El tema convirtióse nun himnu del exércitu de los Estaos Xuníos demientres la primer Guerra del Golfu ("drop your bombs between the minarets", tirái les vueses bombes sobre los minaretes) y foi'l primer cantar que sonó na radio de les Fuercies Armaes al entamar el conflictu, lo que cafió a esgaya a tolos siguidores de The Clash, grupu que siempre s'amosó contrariu a les guerres y l'imperialismu de los Estaos Xuníos.

Esti cantar foi una de les composiciones musicales prohibíes tres los atentaos del 11 de setiembre.

El discu Soncai System inclúi como pieslle al so primer trabayu, Clashasturies, una versión d'esti cantar col títulu de Rock na Casbah.

Referencies

Enllaces esternos

Wikimedia Commons tien conteníu multimedia tocante a Rock the Casbah.