Joe Strummer
John Graham Mellor (21 d'agostu de 1952, Ankara – 22 d'avientu de 2002, Broomfield (en) 
), más conocíu por Joe Strummer, foi un músicu británicu, nacíu en Turquía y conocíu por ser el co-fundador, compositor, cantante y guitarrista de la banda punk británica The Clash, y más tarde de The Mescaleros.
Joe Strummer | |
|---|---|
.jpg) | |
| Vida | |
| Nacimientu | Ankara, 21 d'agostu de 1952[1] |
| Nacionalidá |
 Reinu Xuníu |
| Llingua materna | inglés |
| Muerte |
Broomfield (en) [2], 22 d'avientu de 2002[1] (50 años) |
| Causa de la muerte |
cardiopatía congénita (es) |
| Familia | |
| Pareyes | Palmolive |
| Fíos/es |
|
| Estudios | |
| Estudios |
City of London Freemen's School (en) (1961 - 1970) Escuela Central de Arte y Diseño (es) (1970 - 1971) |
| Llingües falaes | inglés[4] |
| Alumnu de | Derek Boshier |
| Oficiu | cantautor, actor, guitarrista |
| Miembru de |
The Clash The Mescaleros |
| Seudónimos | Joe Strummer |
| Xéneru artísticu | rock |
| Mena de voz | Barítonu |
| Instrumentu musical | guitarra |
| Discográfica |
Sony Music Epitaph Records |
| IMDb | nm0835329 |
| joestrummer.com | |
 | |
Biografía
editarInfancia y mocedá: 1952-1976
editarJoe Strummer nació coel nome de John Mellor n'Ankara, Turquía el 21 d'agostu de 1952. La so madre, Escocia, yera enfermera; el so padre, nacíu en Lucknow, India, yera diplomáticu del servicio consular. La familia viaxaba davezu, polo que Strummer vivió la so infancia en dellos países distintos. A los nueve años d'edá, xunto col so hermanu David de diez, entamaron a dir a la escuela City of London Freemen's School de Surrey. Durante esos años, vio a a los sos padres en poques ocasiones. De mozu, interesóse pola música, n'especial pol rock, escuchando a The Beatles, The Beach Boys y al cantante folk d'Estaos Xuníos Woody Guthrie, n'honor al que más tarde escoyería como alcuñu Woody Mellor. Zurdu de nacencia, deprendió a tocar la guitarra cola mano derecha. El suicidiu del so hermanu David cambió de forma importante la so manera de ver la vida. Al terminar la escuela, treslladóse a Londres pa estudiar na escuela d'Arte, Arquiteutura y Diseñu de la ciudá, ya que tenía la intención de convertise en caricaturista. Durante estos años compartió pisu nel barriu de Palmers Green con Tymon Dogg, qu'años depués collaboraría con él nos sos proyeutos musicales.
En 1973, Strummer treslladóse a vivir a Newport (Gales) p'asistir al Newport College of Art, pero abandonó estos estudios bien llueu. Durante la so estancia ellí, formó xunto a unos amigos la banda The Vultures, onde tenía'l rol de cantante y segundu guitarrista. A tiempu trabayaba como sepultureru. En 1974 la banda separóse y Strummer volvió a Londres, onde se realcontró con Tymon Dogg y entamaron a actuar como músicos na cai hasta que, xunto a los sos compañeros de pisu, formaron la banda The 101'ers, nomada asina pola direición onde vivíen (Walterton Road 101, en Maida Hill). El grupu comenzó a tocar versiones de cantares populares de blues americanos en distintos pubs de Londres. En 1975 Mellors cambió d'alcuñu pal de "Joe Strummer". El nome "Strummer" ("esgatuñador" n'inglés) tal paez que tien rellación col so papel como guitarrista rítmicu d'una manera despectiva. Strummer escribió los temes orixinales pa The 101'ers, siendo'l primeru un inspiráu na so moza nesi momentu, la batería española del grupu The Slits Palmolive. Al restu de los miembros prestó-yos el cantar, titulada "Keys to Your Heart", y escoyéronla pal so primer single.
The Clash: 1976-1986
editarEl 3 d'abril de 1976, la por entonces desconocida banda Sex Pistols tocó nun espectáculu londinense xunto con dellos grupos, ente los que s'alcontraba The 101'ers. Poco depués de la presentación, el baxista, Paul Simonon, y el guitarrista, Mick Jones, del grupu London SS acercáronse a Strummer cola intención d'incorporalu como cantante a una nueva banda. En pallabres testuales, dixéron-y "Yes bonu, pero'l to grupu ye puxarra". Strummer unióse al poco a la banda que formaben Jones a la guitarra, Paul Simonon al baxu, Keith Levene como segunda guitarra y Terry Chimes a la batería. El nuevu grupu llamóse The Clash, nome idea de Simonon, y fizo la so presentación el 4 de xuneto de 1976, teloniando a los Sex Pistols en The Black Swan, güei conocíu como The Boardwalk, en Sheffield. El 25 de xineru de 1977 la banda firmó contratu con CBS Records, a pesar que Levene y Chimes abandonaren el grupu. Poco depués, Topper Headon diba convertise nel nuevu batería, completando asina la formación clásica del grupu.
The Clash foi la banda musicalmente más diversa de los primeros años del punk y a la más politizada de toes. Los sos cantares, escrites davezu por Mick Jones y el propiu Strummer, trataban temes como la decadencia social, el desemplegu, el racismu, la brutalidá policial, la represión política y social, el militarismu y, en dalgunos casos particulares, el sexu. Strummer taba venceyáu a les campañes de la lliga Anti-nazi y del "Rock Contra'l Racismu". La importancia a nivel musical de The Clash queda plasmao na escoyeta del so álbum London Calling como'l meyor discu de los años 1980 pola revista Rolling Stones (asoleyóse n'avientu de 1979 n'Europa, y a principios de 1980 nos EEUU), y na influencia qu'exerció'l grupu nun gran númberu de bandes de rock o otros xéneros como'l reggae, el ska y el hip-hop (por poner un exemplu d'esti últimu estilu, Public Enemy o Green day citen a The Clash como una influencia mui importante na so música).
En setiembre de 1983, depués de varios conflictos internos nel grupu, Strummer emitió'l tristemente conocíu "Clash Communique", nel que daba anuncia de la expulsión de Mick Jones. Poco enantes, Topper Headon tamién dexare'l grupu pola so adicción a la heroína. A pesar de los problemes, la banda incorporó nuevos miembros y continuó gracies a la insistencia de Strummer. En 1985 editaron l'álbum Cut the Crap, pero depués de les males crítiques y el repudiu de los seguidores, Joe Strummer dio por finalizada la esistencia de The Clash en 1986.
La mio rellación colos mozos yera bastante bona, sobre too con Paul, yera (ye) un mozu mui agradable y xenial, considérolu un amigu. De mozu, nel 77 más o menos, de xemes en cuando diba hasta so casa y atopábalu pintando, practicando col baxu o lleendo dalgún cuentu de Sherlock Holmes. Prestába-y enforma Sherlock Holmes.
La so vida depués de The Clash: 1986-2002
editarLos años salvaxes: 1986-1999
editarUn añu más tarde Strummer compunxo dellos cantares pa la película Sid and Nancy, incluyendo "Love Kills" y "Dum Dum Club". Poco depués trabayó con Mick Jones nel so nuevu proyeutu, Big Audio Dynamite, componiendo xunto con él la mayor parte de los temes del segundu álbum de la banda. En 1987 actuó nes películes Walker y Straight to Hell, dirixíes por Alex Cox, y compunxo la banda sonora pa la primera. En 1989 collaboró na película de Jim Jarmusch Mystery Train faciendo'l papel secundariu d'un hombre borrachu de nome Elvis. Amás d'ello, participó como actor secundariu na película d'Aki Kaurismäki I Hired a Contract Killer de 1990, dando vida a un guitarrista que canta dos cantares nun pub. Durante estos años continuó venceyáu a la industria cinematográfica, componiendo y produciendo una gran númberu de cantares pa bandes sonores, ente les que destaca la perteneciente a la película Grosse Pointe Blank.
En 1989 Strummer comenzó a grabar cola banda The Latino Rockabilly War. Sicasí, l'álbum Earthquake Weather foi un desastre comercial polo que perdieron el so contratu con Epic Records. En 1991 reemplazó brevemente a Shane MacGowan como cantante de The Pogues para una xira de la banda. Al tiempu fizo la producción del álbum Hell's Ditch de la banda. El 16 d'abril de 1994 Strummer tocó parte del repertoriu de The Clash cola banda checo-americana Dirty Pictures, nun espectáculu a beneficiu de los refuxaos yugoslavos, "Rock for Refugees". Más tarde, entamó a facer collaboraciones con otres bandes como The Levellers, onde tocó'l piano nos temes "Just the One" y Black Grape, asoleyaos nel mini-lp "England's Irie" de 1996. En 1997 trabayó colos productores y inxenieros musicales Lee Perry y Marty Munsch en Nueva York pa remezclar en versiones dub munchos de los temes de The Clash y The 101'ers.
Durante estos años, Strummer mantuvo una disputa con Sony BMG Music Entertainment, la discográfica de The Clash, hasta que-y permitió publicar los sos trabayos solistes o con otras bandes n'otres discográfiques cola promesa de que, nel casu de volver xuntase, The Clash volvería con Sony. D'otra banda, dedicóse a ser llocutor de radio nun programa de media hora de duración emitíu pola BBC World Service y llamáu "London Calling".
The Mescaleros: 1999-2002
editarA finales de los años 1990 Strummer reunió a un grupu de músicos destacaos pa facer una nueva banda a la que llamó The Mescaleros. El grupu firmó con Mercury Records y asoleyó'l so primer álbum, Rock Art and the X-Ray Style, en 1999. Col oxetu de promocionalu comenzaron una xira pol Reinu Xuníu y los Estaos Xuníos, onde tamién tocaron en dalgunes ocasiones temes clásicos de The Clash. En 2001 la banda firmó un contratu cola discográfica punk de California Hellcat Records y publicó un segundu álbum d'estudiu, Global A Go-Go. Una vuelta más, iniciaron una xira británico-americana na qu'incluyeron nel so repertoriu temes de The Clash como "London Calling", "Rudie Can't Fail" y "(White Man) In Hammersmith Palais", versiones de clásicos del reggae y el ska y el tema "Blitzkrieg Bop" de The Ramones, col qu'avezaben zarrar los sos conciertos n'homenaxe al recientemente fallecíu Joey Ramone.
El 5 de payares del 2002, Strummer y The Mescaleros tocaron nun recital a beneficiu de los bomberos voluntarios de Londres. Mick Jones, que taba ente los espectadores, unióse a la banda cuando ésta tocaba "Bankrobber" de The Clash y cantó y tocó la guitarra nos temes "White Riot" y "London's Burning". D'esta manera, Strummer y Jones volvieron a tocar xuntos por última vez depués de diecinueve años. Jones remarcó más tarde que la situación nun fuere premeditada y que solo obedeciere a un impulsu.
L'últimu conciertu de Strummer foi na Academia de Liverpool el 22 de payares del 2002. Poco enantes de la so muerte, compunxere xunto con Bono (miembru d'U2) el cantar "46664", a favor de la campaña contra'l sida n'África iniciada por Nelson Mandela. Strummer incluso se comprometiere a tocar nun conciertu en Robben Island en febreru del 2003 p'apoyar esa campaña.
Muerte y llegáu
editarStrummer morrió'l 22 d'avientu del 2002 na so casa de Broomfield en Somerset, por mor d'un fallu cardiacu conxénitu que nun se-y diagnosticara. La so inesperada muerte a los cincuenta años d'edá foi un duru güelpe pal ampliu númberu de fans a los que la so figura inspirara.
Nel momentu del so fallecimientu Strummer taba trabayando nun nuevu álbum con The Mescaleros, que s'editó de manera póstuma n'ochobre del 2003 col títulu Streetcore. Ente los temes había un tributu a Johnny Cash ("Long Shadow"), un cantar recordando los atentaos del 11 de setiembre del 2001 y la versión del clásicu "Redemption Song" de Bob Marley, esta última grabada a dúu con Cash. Desgraciadamente Strummer nun tuvo la oportunidá de completar les partes vocales d'una gran parte de los temes, incluyendo "Dakar Meantime", qu'interpretó en vivo dalgunes veces.
Nos premios Grammy de febreru del 2003, "London Calling" foi interpretada por Elvis Costello, Bruce Springsteen, Steven van Zandt, Dave Grohl, Pete Thomas y Tony Kanal como tributu a Strummer. Pa marzu d'esi mesmu añu, The Clash foi incluida nel Salón de la Fama del Rock.
Nel 2006 emitióse un documental de Dick Rude tituláu Let's Rock Again! nel que se cuenten anécdotes de la xira de The Mescaleros nel so álbum Global a Go-Go. Esi mesmu añu la banda de Nueva Orleans Cowboy Mouth editó un cantar llamáu "Joe Strummer" pal so álbum Voodoo Shoppe, na que se cuenta la historia d'un home que dexa a la moza porque ella "nun sabe quién foi Joe Strummer". Esti cantar tuvo un relativu éxitu radiofónicu nos Estaos Xuníos durante un tiempu.
Amás de la so música, Strummer collaboró na creación de Future Forests (más tarde The Carbon Neutral Company) que ye una organización dedicada a la plantación d'árboles alrededor del mundiu col oxetu de combatir el calentamientu global.
Matrimonios
editarA comienzos de los años 1970, Strummer, a cambio de cien llibres, casó cola sudafricana Pamela Moolman pa qu'ésta obtuviera la ciudadanía británica. Ente los años 1979 y 1993 mantuvo una rellación con Diana McGuigan, con quien tuvo dos fies, pero nunca se casaron. En 1995 casó con Lucinda Tait, rellación que duró hasta la muerte del músicu.
Discografía
editarThe Clash
editarCon The 101'ers
editar| Añu | Álbum | Información adicional |
|---|---|---|
| 1981 | Elgin Avenue Breakdown | Álbum compilatoriu con material grabao ente 1974 y 1976. |
En solitario
editar| Añu | Álbum | Información adicional |
|---|---|---|
| 1987 | Walker | Banda sonora de la película Walker. |
| 1987 | Straight to Hell Original Soundtrack | Banda sonora de la película Straight to Hell. |
| 1993 | When Pigs Fly Soundtrack | Pista inédita pa la película When Pigs Fly. |
| 1998 | Chef Aid: The South Park Album | Incluye "It's A Rockin' World", interpretada por Strummer, Flea, Nick Hexum, Tom Morello, DJ Bonebrake y Benmont Tench. |
| 2003 | Unearthed (artista convidáu) | Inluye "Redemption Song" interpretada a dúu con Johnny Cash. |
| 2004 | Black Magic (artista convidáu) | Incluye "Over the Border" interpretada a dúu con Jimmy Cliff. |
Con The Latino Rockabilly War
editar| Añu | Álbum | Información adicional |
|---|---|---|
| 1988 | Permanent Record Original Soundtrack | Incluye un cantar de la banda. |
| 1989 | Earthquake Weather | Únicu álbum de The Latino Rockabilly War. |
Con The Mescaleros
editar| Añu | Álbum | Información adicional |
|---|---|---|
| 1999 | Rock Art and the X-Ray Style | Primer álbum de The Mescaleros. |
| 2001 | Global A Go-Go | #23 nel Top Alternativu del Billboard. |
| 2003 | Streetcore | Últimu discu de Strummer, publicación póstuma. |
Na ficción
editar- En The Bedroom Secrets of the Master Chefs, d'Irvine Welsh, un Joe Strummer ficticiu vese implicáu nun escándalu paternal.
- Joe Strummer actuó en Mystery Train (1989), película independiente escrita y dirixida por Jim Jarmusch, onde trabayó xunto a Steve Buscemi y Rick Aviles. Tamién tien una breve aparición en Contraté un asesino a sueldu (1990) d'Aki Kaurismäki, tocando Burning Ligth.
- Straight to hell (1987) Alex Cox
Ver tamién
editarBibliografía
editar- Gilbert, Pat. Passion is a Fashion: The Real Story of The Clash, 2004. DA CAPO Press. ISBN 0-306-81434-X (pbk.)
- Gray, Marcus. Last Gang in Town: The Story and Myth of The Clash, Henry Holt and Co., 1995.
- Yewdall, John Leonard. Joe Strummer with the 101'ers and the Clash, 1974-1976, 1992. Image Direct. ISBN 0-9519216-0-6
- CNN: "Clash Star Joe Strummer dies" Archiváu 2007-11-17 en Wayback Machine
- Matula, Theodore. "Joe Strummer, 1952-2002." Popular Music and Society. dic. 2003. Vol. 26, Iss. 4; p. 523-525.
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Oxford Dictionary of National Biography. Oxford Biography Index Number: 88710. Editorial: Oxford University Press. Llingua de la obra o nome: inglés. Data d'espublización: 2004.
- ↑ 3,0 3,1 Afirmao en: The Peerage. Llingua de la obra o nome: inglés. Autor: Darryl Lundy.
- ↑ Identificador CONOR.SI: 32109667. Afirmao en: CONOR.SI. Data de consulta: 29 setiembre 2019.
Enllaces esternos
editar
Wikimedia Commons acueye conteníu multimedia sobre Joe Strummer.- Páxina web oficial (n'inglés)
- Joe Strummer na Internet Movie Database (n'inglés)
- Joe Strummer n'AllMovie (n'inglés)
- «Joe Strummer». en Find a Grave. (n'inglés)
- Joe Strummer en Facebook
- Joe Strummer n'Instagram
- Joe Strummer en Twitter
- Strummer News; web oficial (n'inglés)
- Strummer Site; web oficial de Joe Strummer and the Mescaleros (n'inglés)
- Strummerville; Joe Strummer Foundation for New Music (n'inglés)
- The Joe Strummer Resource (n'inglés)
- Myspace de The Mescaleros (n'inglés)
- Compilación d'anécdotes de Joe Strummer en Granada (en castellanu)
Datos: Q310052- Multimedia: Joe Strummer
