Russula vesca

especie de fungu

Russula vesca,[2] ye un fungu basidiomicetu, de la familia Russulaceae.[1] Xorrez en montes de coníferes, caducifolios o mistos. La so cogorda, apruz de primavera a seronda, siendo una de les más tempranes del añu. L'epítetu específicu, vesca, significa "comestible".[2]

Russula vesca
Clasificación científica
Reinu: Fungi
División: Basidiomycota
Clas: Agaricomycetes
Subclas: Incertae sedis[1]
Orde: Russulales
Familia: Russulaceae
Xéneru: Russula
Especie: R. vesca
Fr. 1836
Sinonimia
  • Russula mitis Rea, 1922
Consultes
[editar datos en Wikidata]
Russula vesca
Carauterístiques micolóxiques
 
Himeniu con llámines
 
 

El sombreru ye convexu

o esplanáu
 
Les llámines son adnates
 
El pie ta desnudu
 
Espores de color blancu
 
La ecoloxía ye micorriza
 
Comestibilidá: comestible
[editar datos en Wikidata]

Descripción editar

La so cogorda, o cuerpu fructíferu, tien un sombreru d'ente 5 y 10 centímetros de diámetru, de forma hemisférica n'exemplares nuevos, que darréu faise convexu, esplanáu y, finalmente, ablayáu nel centru, col cantu acanaláu. La cutícula ye de color variable acoloratáu o pardu acoloratáu, y más escura nel centru, y ye fácilmente xebrable. Les llámines tienen un anchor d'ente 4 y 9 milímetros, son adnates llixeramente decurrentes, apertaes, encrúciense cerca del estipe y son daqué grasientes al tactu. Son blanques n'exemplares nuevos y de color crema más tarde. El pie mide ente 1,5 y 2,5 centímetros de diámetru y ente 3 y 10 d'altor, ye fusiforme o de forma cilíndrica, duru y de color blancu, daqué amarellentáu o parduzu na base. La esporada ye blanca.[2]

Posibilidaes de tracamundiu editar

Ye posible confundir la cogorda d'esti fungu coles d'otres especies del xéneru, como R. virescens y R. cyanoxantha, que producen esporada blanca y tienen carne duce.[2]

Referencies editar

  1. 1,0 1,1 «Russula vesca» (n'inglés), Russula vesca, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=203547 
  2. 2,0 2,1 2,2 2,3 Grünert, H.; Grünert, R.; VV.AA. (1984). Empones de Naturaleza Blume: Cogordes (t. orixinal:"Pilze"). Barcelona: Blume, páx. 168. ISBN 84-87535-11-9.

Enllaces esternos editar