Abrir el menú principal
Wikipedia:Wikipedia:Llista d'artículos que toa Wikipedia tien que tener/Archivu

Aurelius Augustinus, San Agustín o Agustín d'Hipona (Tagaste, Numidia, 13 de payares de 354 - Hipona, Numidia, 28 d'agostu de 430). Fíu de madre cristiana y padre paganu, y medra nel marcu d'una educación pagana (llatina): retórica, estudiu d'autores llatinos, etc. Iniciase na filosofía gracies a les obres de Cicerón. Estudia y enseña en Cartago, Roma y Milán, ciudá na que conoz el maniqueismu y l'escepticismu, que dempués abandona pol platonismu.

Agustín d'Hipona
Augustine Lateran.jpg
obispu católicu


obispu diocesianu


Diócesis: Q3708139 Traducir
Vida
Nacimientu Tagaste Traducir13  de payares de 354
Nacionalidá Antigua Roma
Grupu étnicu Bereberes
Fallecimientu

Hippo Regius Traducir28  d'agostu de 430

(75 años)
Sepultura San Pietro in Ciel d'Oro Traducir
Causa de la muerte malaria
Familia
Madre Mónica de Hipona
Casáu/ada con ensin valor
Fíos/es
Estudios
Llingües llatín
Oficiu
Oficiu filósofu, teólogu, autobiógrafu, teóricu de la música, predicador, historiador, poeta y sacerdote católicu
Trabayos destacaos Confesiones Traducir
La ciudad de Dios Traducir
de trinitate Traducir
Santoral
28 d'agostu
Creencies
Relixón Ilesia Católica
Maniqueísmu
Orde relixosa Agustinos Traducir
IMDb nm1240835
Cambiar los datos en Wikidata

Conviértese al cristianismu a los 32 años. Ordénase sacerdote nel añu 391 y el 396 conviértese n'obispu d'Hipona. Va fundar conventos au defiende l'alderique relixosu pero siempre dientru la ortodoxia cristiana. La so influyencia posterior ye pervaloratible, y ta consideráu como ún de los pensadores cimeros de la hestoria occidental.

ObresEditar

  • Les Confesiones, au narra la so autobiografía, incluyendo la so nacencia n'África, la so adolescencia rebelde, la influyencia de la so má (Santa Mónica) y la conversión al cristianismu.
  • La Ciudá de Dios, au dixebra'l mundu en dos reinos o ciudaes metafóriques y fala sobro la providencia, la llibertá y la moral.
  • La Trinidá, obra teolóxica sobre les rellaciones de les tres persones de la Santísima Trinidá: Padre, Fíu y Espíritu Santu.

PensamientuEditar

Fe y RazónEditar

La conciliación ente la Fe y la Razón queda recoyida en San Agustín na fórmula sieguiente, que sedrá tou un problema hasta finales del sieglu XVIII: "Creo pa entender" Asina, apunta que la filosofía ha tener como puntu de salida la Fe y les Escritures, y que namás tien valor na midida que coincide con la verdá cristiana: la filosofía tien, poro, un papel subordináu, al serviciu de la teoloxía.

La creación del mundu y del tiempuEditar

Pa San Agustín, Dios creare'l mundu "ex nihilo" (del res). La materia ye una seición de Dios, resultau d'una decisión llibre y voluntaria, un autu espontaneu del amor divín. Poro, la creación deplázase nel tiempu y los seres individuales lleguen a la so madurez nel trescursu desi tiempu, acordies cola providencia divina. Pero la materia nun ye eterna, naz y camuda colos tiempos a diferencia de la eternidá de Dios.

El problema del malEditar

A la hora d'abordar esta entruga, San Agustín estrema ente dos clases de mal:

  • El mal físicu o natural, que provién de Dios. Ye más una deficiencia cuyo orixe hai de lo atopar na mesma materia.
  • El mal moral, ye obra del ser humanu y del so comportamientu inxustu énte los semeyantes de so. Tien el so orixe na llibre voluntá cola que Dios creó al home. Poro, Dios nun ye responsable del mal usu de la llibertá.

La concepción de la HistoriaEditar

La filosofía de la Historia d'Agustín describe un procésu qu'afeuta a tol xeneru humanu. Trátase d'una hestoria universal constituida por una serie de sucesos qu'avancen haza un fin enfotaos pola providencia divina. Pero esti procesu carauterízase pol conflictu pente les dos comunidaes qu'habiten el mundu:

  • La ciudá de Dios. Tolos que siguen a Dios, que constituyen una ilesia invisible y son pelegrinos na Tierra empobinaos a un fin trescendente y una recompensa eterna.
  • La ciudá terrena, formada polos que posaren el so amos nel mundu, en si mesmos, los que renunciaren a Dios y tan condergaos a la muerte eterna.

A diferencia de la concepción cíclica del tiempu y de la historia carauterística de la filosofía griega, Agustín afita la so representación de la Historia nuna concepción literal, progresiva y finalista del tiempu.