San Llouguís
San Llouguís[1] ye una aldea de la parroquia y conceyu asturianu de Bual. Tien una población de 12 habitantes (INE, 2015) y allúgase a unos 450 m d'altor sobre'l nivel de la mar. Ta asitiáu a unos 2 km de la capital del conceyu, tomando dende ésta la carretera AS-12 en direición a Grandas de Salime.
San Llouguís | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | Bual |
Parroquia | Bual |
Partíu xudicial | Valdés |
Tipu d'entidá | aldea |
Nome oficial | San Llouguís (ast) |
Códigu postal |
33728 |
Xeografía | |
Coordenaes | 43°25′14″N 6°49′23″W / 43.420678°N 6.822942°O |
Altitú | 473 |
Demografía | |
Población | 15 hab. (2023) |
Porcentaxe |
1.87% de Bual 1.06% de Bual 0% de provincia d'Asturies 0% de Principáu d'Asturies 0% de España |
Más información | |
Estaya horaria | UTC+01:00 |
Nel mediu del pueblu, onde sal la carretera AS-35, que comunica la zona con Ponticella, ta l'edificiu de les antigües escueles. Ellí, nun va munchos años, agospiábase nel pórticu la orquesta qu'amenizaba la verbena del 25 d'agostu, fiesta del patrón. Cerró la escuela y yá nun hebo más orquestes porque nun quedaba quien baillara en pueblu... pero l'edificiu remocicose y, dende xunetu del 2007, asítiase nél el "Centro de Interpretación de la Emigración y la Instrucción Pública de Boal", que recueye la memoria d'aquellos que marcharon del conceyu y qu'axudaron, coles perres que mandaron dende América, a que los neños de los pueblos de la so tierrina pudieran dir a escuela.
Referencies editar
- ↑ «Espediente colos topónimos oficiales de Bual». BOPA (20 de febreru de 2014).