Abrir el menú principal

Santiago García Granda

cristalógrafu español

Santiago García Granda (1955) ye un químicu físicu asturianu. Ye rector de la Universidá d'Uviéu dende'l 16 de mayu de 2016.

Santiago García Granda
SANTIAGOGARCIAGRANDA.jpg
Vida
Nacimientu

1955

(63/64 años)
Nacionalidá Bandera d'España España
Estudios
Estudios Universidá d'Uviéu
Oficiu
Oficiu cristalógrafu
Cambiar los datos en Wikidata

BiografíaEditar

Ñació en Verdiciu, Asturies, en 1955. Estudió química, llicenciándose en 1980 y doctorándose en 1984 pola Universidá d'Uviéu. Ente 1985 y 1987 completó la so formación académica como becariu postdoctoral na Universidá de Nijmegen Holanda col Profesor Paul T. Beurskens. Especialista en determinación estructural, cristalografía, difracción y cálculos moleculares, ye expresidente de la European Crystallographic Association (ECA) onde sirvió dende agostu de 2006, y apocayá foi escoyíu Ordinary Member del Executive Committee de la International Union of Crystallography.

La so actividá docente foi intensa tantu en Llicenciatura y Grau en Química, como n'estudios de Doctoráu. Tamién imparte docencia billingue, español ya inglés, en programes Máster de la Universidá d'Uviéu y de la Universidá Internacional Menendez Pelayo.

Autor de más de 500 artículos científicos y de divulgación científica, dellos capítulos de llibros y numberoses comunicaciones y ponencies presentaes en congresos, sobre estudios químico-físicos de nuevos materiales, estructura molecular, cristalografía, difracción y métodos de cálculu, tien un Índiz H de 44. Ye coautor del programa de cristalografía DirDif citáu más de 3000 vegaes y lideró más de 30 proyeutos d'investigación, nacionales y europeos, contratos con empreses y proyeutos de divulgación científica. Lidera'l Grupu d'Investigación SYSTAM, del Departamentu de Química Física y Analítica, declaráu Grupu d'Excelencia del Principáu d'Asturies nel añu 2001. Ye responsable de la instalación d'infraestructura na Llinia Española del Sincrotrón del ESRF. Dirixó 18 tesis doctorales. La so actividá investigadora foi evaluada positivamente en 5 sexenios y fuéron-y reconocíos 7 quinquenios d'actividá docente.

En 2016 presentose como candidatu a rector de la Universidá d'Uviéu, eleiciones que ganó a José Muñiz. Dende mayu de 2008 hasta abril de de 2012 foi Vicerrector d'Investigación de la Universidá d'Uviéu, y Secretariu Executivu de la Sectorial d'I+D de la CRUE. Mientres mas de 35 años de serviciu na Universidá d'Uviéu, ocupó diversos cargos académicos y responsabilidaes

ReferenciesEditar

Enllaces esternosEditar


Predecesor:
Vicente Gotor Santamaría
 
Rector de la Universidá d'Uviéu

2016 -
Socesor:
Nel cargu