Sarah Marquis
Sarah Marquis (20 de xunu de 1972, Delémont (es) 
) ye una aventurera y esploradora suiza. Ente 2010 y 2013 anduvo sola 20.000 quilómetros de Siberia al Ermu del Gobi, pasando por China, Laos, Tailandia, y dempués al traviés d'Australia. En 2011 impartió una charra TED.[2] En 2014 escribió'l llibru Sauvage par Nature y foi gallardoniada col premiu dau a les Persones Aventureres del Añu por National Geographic.[3][4]
Sarah Marquis | |
|---|---|
.jpg) | |
| Vida | |
| Nacimientu |
Delémont (es) , 20 de xunu de 1972[1] (52 años) |
| Nacionalidá |
 Suiza |
| Residencia |
Montsevelier (es) |
| Estudios | |
| Llingües falaes | francés |
| Oficiu | aventurera, escritora |
| sarahmarquis.ch | |
 | |
Biografía
editarMarquis creció en Montsevelier, un pueblu nel Cantón de Jura nel norte de Suiza.[5] El so padre trabayaba como reloxeru para Swatch, la so madre yera ama de casa y crióse con dos hermanos varones.[6] Empezó a esplorar dende mozu y a los dieciséis años empezó a trabayar con un emplegu nuna compañía europea de trenes de forma que podía viaxar de forma gratuita.[5] A los diecisiete viaxó a Turquía, onde montó a caballu al traviés del Rexón d'Anatolia Central.[3]
Esploración
editarMarquis cita un viaxe que fizo a Nueva Zelanda, cuando tenía daqué más de venti años, como la primer vegada qu'ella "realmente entró en contautu cola naturaleza": tuvo un mes en Parque nacional de Kahurangi ensin realizar atroxu previu de comida. Los sos viaxes subsiguientes inclúin piragüismu al traviés de Parque provincial Algonquin en Canadá, acampada en Patagonia y el camín pol Senderu Macizu del Pacíficu (Pacific Crest Trail) n'Estaos Xuníos.[5] En 2000 anduvo mientres cuatro meses a lo llargo d'Estaos Xuníos, de frontera a frontera, y dempués dedicó diecisiete meses, ente 2002 y 2003, a travesar andando Australia, cubriendo una distancia total de 14.000 quilómetros. Caminó pola Cordal de los Andes d'América del Sur mientres ocho meses en 2006.[3]
En 2010, Marquis empezó una caminada de trés años de duración a llongura de Siberia al traviés d'Asia y, viaxando en barca dende Tailandia, a lo llargo d'Australia. Mientres esti tiempu, caltuvo poco contautu humanu y tiró d'un carru de 54 kilogramos de pesu, que contenía la so ropa, equipamientu y suministros. En 2011 foi obligada a abandonar el viaxe en Mongolia en desenvolviendo un absceso periodontal pero, en cuanto recuperóse, volvió al allugamientu exactu y siguió el viaxe. Mientres el camín foi acosada por un grupu d'homes mongoles a caballu, amenazada por narcotraficantes de Laos y contraxo la fiebre del dengue.[5] P'aumentar la so seguridá, dacuando amarutóse d'home ya intentó nun dexar pistes pa evitar que lu siguieren. Completó'l so viaxe en mayu de 2013,[3] cuando llegó a un árbol particular na Llanures Nullarbor qu'identificara nel so viaxe anterior a Australia.[5] En total, anduvo 20.000 quilómetros aproximao a lo llargo de los trés años que duró'l so viaxe.[6][7]
Marquis escribió un llibru en 2014, Sauvage par Nature ("Xavaz por naturaleza" n'español).[5][7] Foi gallardoniada esi añu col premiu dau a les Persones Aventureres del Añu por National Geographic.[3]
En 2015, Marquis anduvo 805 quilómetros (500 milles) al traviés de Kimberley en Australia Occidental. Dedicó tres meses y sobrevivó nel desiertu.[8]
Referencies
editar- ↑ Biblioteca Nacional de Francia. «Notice de personne» (francés). autoridaes BNF. Consultáu'l 31 avientu 2019.
- ↑ «TED2011: Speakers A-Z». Archiváu dende l'orixinal, el 2011-03-29. Consultáu'l 4 de marzu de 2017.
- ↑ 3,0 3,1 3,2 3,3 3,4 «Meet the 10 Most Inspiring Adventurers of the Year». Consultáu'l 4 de marzu de 2017.
- ↑ (n'inglés) Meet National Geographic's top adventurers of the year. USA TODAY. http://www.usatoday.com/story/dispatches/2013/11/15/2014-adventurers-of-the-year/3545213/. Consultáu'l 4 de marzu de 2017.
- ↑ 5,0 5,1 5,2 5,3 5,4 5,5 Weil, Elizabeth (25 de setiembre de 2014). The Woman Who Walked 10,000 Miles (Non Exaggeration) in Three Years. The New York Times. ISSN 0362-4331. https://www.nytimes.com/2014/09/28/magazine/the-woman-who-walked-10000-miles-non-exaggeration-in-three-years.html. Consultáu'l 6 de marzu de 2017.
- ↑ 6,0 6,1 Weil, Elizabeth (25 de setiembre de 2014). The Woman Who Walked 10,000 Miles (Non Exaggeration) in Three Years. The New York Times. ISSN 0362-4331. https://www.nytimes.com/2014/09/28/magazine/the-woman-who-walked-10000-miles-non-exaggeration-in-three-years.html. Consultáu'l 6 de marzu de 2017.
- ↑ 7,0 7,1 (en francés) Sarah Marquis, femme vs wild. LCI. http://www.lci.fr/international/sarah-marquis-femme-vs-wild-1550228.html. Consultáu'l 6 de marzu de 2017.
- ↑ A woman has become the first ever explorer to cross the Kimberley. Mail Online. http://www.dailymail.co.uk/news/article-3273713/National-Geographic-s-Sarah-Marquis-spends-three-months-walking-remote-Kimberley-region.html. Consultáu'l 6 de marzu de 2017.
Datos: Q17305570
Multimedia: Sarah Marquis
