Seventh Son of a Seventh Son

Seventh Son of a Seventh Son
Datos
Tipu	álbum d'estudiu
Distribución	streaming de música (es)
Álbum	Iron Maiden studio albums (en)
Intérprete	Iron Maiden
Idioma	inglés
Xéneru	metal progresivu
Sellu discográficu	EMI
Productor	Martin Birch
Fecha publicación	11 abril 1988
Duración	2631 segundos

Seventh Son of a Seventh Son (asturianu: Séptimu fíu d'un séptimu) ye'l séptimu álbum d'estudiu de la banda británica de heavy metal Iron Maiden, llanzáu en 1988. Trátase d'un álbum conceptual sobro la hestoria d'un vidente; el séptimu fíu d'un séptimu fíu, que tendría facultaes psíquiques como la clarividencia y otres mancies.

Cada cantar rellata un tramu de la vida d'esti personaxe, dende la nacencia "Moonchild", el descubrimientu de los sos poderes y el so destín "Can I Play with Madness" y la so inminente muerte "Only The Good Die Young".

Al igual que nel so álbum anterior, Somewhere in Time, prevalez l'usu de sintetizadores que mientres la xira foron executaos pol téunicu asistente de Steve Harris, músicu ya inxenieru en soníu; Michael Kenney.

Magar l'álbum ye conceutual, les lletres de los cantares tamién contienen de forma implícita cierta crítica social y política más carauterística d'otros álbumes de la banda.

Esti álbum ye consideráu como una de les grandes obres maestres d'Iron Maiden, y que dexó redefinir el Heavy Metal, y qu'espeyóse nel más grande Monsters of Rock de tolos tiempos fechu n'Inglaterra.

Tresfondu

La idea de basar l'álbum tocante al conceutu folclóricu del "séptimu fíu d'un séptimu fíu" ocurióse-y al baxista Steve Harris dempués de lleer El séptimu fíu del escritor d'Estaos Xuníos Orson Scott Card. Harris declaró: "Yera'l nuesu séptimu álbum d'estudiu y yo aínda nun tenía'l títulu o dalguna idea n'absolutu. Entós lleí la hestoria del "Séptimu fíu", esta figura mística que se supón que tien toos estos dones paranormales, como la clarividencia, y yera más, de primeres, como que namái sería un bon títulu para'l séptimu álbum, ¿sabes? Pero entós llamé a Bruce y empezamos a falar al respeutu y la idea a cencielles creció".

Dempués de que les sos contribuciones de compositor foren refugaes nel anterior álbum de la banda, Somewhere in Time de 1986, Bruce Dickinson sintió que la so participación na banda menguara, convirtiéndose "namái nel cantante", pero'l so entusiasmu anovóse cuando Harris esplíco-y el conceutu del álbum; "Pensé, '¡qué gran idea!, ¡xenial!' y claro, taba bien allegre tamién, porque inclusive me llamara para falar d'ello y entrugóme si tenía dalgún cantar que pudiera encaxar nesi tipu de tema. Yo andaba como que 'bonu, non, pero dame un minutu y voi ver lo que puedo faer'". Falando tocante al álbum n'años siguientes, Dickinson remarcó que "casi llogramos daqué bono'", esplicando que, "nun yera dafechu un álbum conceptual. Nun había un intentu de velo como una hestoria continua, como realmente tuvimos de facer. Seventh Son... nun tien hestoria. Ye sobre'l bien y el mal, el cielu y l'infiernu, pero ¿nun lo ye tou álbum de Maiden?".

Lletres

Here they stand, brothers them all
All the sons, divided they'd fall
Here await the birth of the son
The seventh, the Heavenly, the chosen one
Here the birth from an unbroken line
Born the healer, the seventh, his time
Unknowingly blessed and as his life unfolds
Slowly unveiling the power he holds
Seventh son of a seventh son
Seventh son of a seventh son
Seventh son of a seventh son
Seventh son of a seventh son
Then they watch the progress he makes
The good and evil which path will he take
Both of them trying to manipulate
The use of his powers before it's too late
Seventh son of a seventh son
Seventh son of a seventh son
Seventh son of a seventh son
Seventh son of a seventh son
Today is born the seventh one
Born of woman the seventh son
And he in turn of a seventh son
He has the power to heal
He has the gift of the second sight
He is the chosen one
So it shall be written
So it shall be done

Equí tán, toos ellos hermanos
tolos fíos, dividíos cayeríen
Equí esperen la nacencia del fíu
El séptimu, el divín, l'escoyíu.
Equí, el nacíu d'una llinia ininterrumpida
El sanador, el séptimu, la so hora
Bendicíu ensin sabelo y conforme desendólcase la so vida
Revela selemente'l poder que tien.
El séptimu fíu d'un séptimu fíu
El séptimu fíu d'un séptimu fíu
El séptimu fíu d'un séptimu fíu
El séptimu fíu d'un séptimu fíu
Entós vixilen el progresu que llogra
El Bien o'l Mal, qué camín va tomar
Dambos llaos intentando manipoliar
l'usu de los sos poderes, enantes que seya sero
El séptimu fíu d'un séptimu fíu
El séptimu fíu d'un séptimu fíu
El séptimu fíu d'un séptimu fíu
El séptimu fíu d'un séptimu fíu
Güei nació'l séptimu
Naz d'una muyer el séptimu fíu y
Él, de la mesma, d'un séptimu fíu
Tien poder pa sanar
Tien el don de l'aldovinación
Ye l'escoyíu
Asina ha escribise
Asina ha facese

Seventh Son of a Seventh Son

Tresfondu

Lletres

Referencies