Sheree North
Sheree North (17 de xineru de 1932 - 4 de payares del 2005) foi una actriz d'Estaos Xuníos.
Sheree North | |
|---|---|
 | |
| Vida | |
| Nacimientu | Los Angeles[1], 17 de xineru de 1932[2] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles[1], 4 de payares de 2005[3] (73 años) |
| Causa de la muerte | complicaciones quirúrxiques |
| Estudios | |
| Estudios |
Escuela Preparatoria de Hollywood (es)  |
| Llingües falaes | inglés[4] |
| Oficiu | actriz, baillarina, actriz de televisión, actriz de teatru, actriz de cine, cantante |
| Premios |
ver
|
| Instrumentu musical | voz |
| IMDb | nm0636065 |
 | |
Carrera
editarNacida en Los Angeles EE. XX., como Dawn Shirley Crang. Dempués de ser afayada por un coreógrafu nel Club de Macayo, en Santa Mónica, del Norte foi escoyida como corista na película de 1953 Here Come the Girls protagonizada por Bob Hope. Entós daquella, ella adoptó'l nome artísticu de Sheree North y fixo'l so debú en Broadway nel musical Hazel Flagg, pola que ganó'l Premiu Theatre World. Ella pasó a retomar el so papel na película Living It Up (1954).
En 1954, North robló cola 20th Century Fox. La Fox tenía planes pa North como un posible reemplazu de Marilyn Monroe. Al añu siguiente, ganó'l papel principal en How to Be Very, Very Popular, un papel que foi refugada primeramente por Marilyn Monroe.
North foi presentada pola Fox como la nueva "Marilyn Monroe". Sicasí, l'estudiu de secute perdió l'interés na so promoción y centró la so atención nuna nueva actriz al estilu de Monroe, l'actriz Jayne Mansfield. Décades más tarde, North interpretaría a la madre de Monroe na película pa televisión Marilyn: La hestoria non contada (1980).
Na década de 1960, tornó a Broadway nel esitosu musical I Can Get It for You Wholesale, que cuntó con Elliott Gould y Barbra Streisand.
El contratu de North con Fox llegó al so fin en 1958, siguió interpretando papeles en películes y tuvo apaiciones en series de televisión como Gunsmoke, The Virginian, The Big Valley, The Fugitive, Cannon, Kung Fu, The Streets of San Francisco, Ben Casey, Magnum, P.I.... Y munches más.
Nel añu de 1965, foi actriz convidada na serie The Fugitive con David Janssen nel papel de Marianne Adams, una enfermera retirada y casada con Josephus Adams (Arthur O'Connell) un médicu naturista d'un condáu, que atiende al fuxitivu por una mancadura d'un todíu, cuando esti fuxía de los policías.
Ella tamién trabayó con Burt Lancaster en Lawman (1971).
Vida familiar
editarTuvo casada en cuatro causes; con Phillip Alan Norman, col Dr. Gerhardt Sommer, con John M. Freeman y con Fred Bessire. Tuvo dos fíos nesos matrimonios: Dawn y Erica.
Fallecimientu
editarSherre North finó'l 4 de payares del 2005 en Los Angeles, California, por entueyos quirúrxicos de cáncer.
Filmografía
editar
|
|
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 25 xunu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Internet Movie Database. Identificador IMDb: nm0636065. Data de consulta: 13 ochobre 2015. Llingua de la obra o nome: inglés.
- ↑ URL de la referencia: http://www.legacy.com/Obituaries.asp?Page=APStory&Id=10294.
- ↑ «idRef» (francés). Agencia Bibliográfica de Enseñanza Superior. Consultáu'l 23 mayu 2020.
- ↑ URL de la referencia: http://www.theatreworldawards.org/past-recipients.html.
Enllaces esternos
editar- Sheree North na Internet Movie Database (n'inglés)
- Sheree North na Internet Broadway Database (n'inglés)
- Sheree North en TV.com
- [http://www.findagrave.com/cgi-bin/fg.cgi?page=gr&GRid=12276338 Sheree North at Find a Grave
Datos: Q468435
Multimedia: Sheree North
