Simon Yates

Simon Yates
Vida
Nacimientu	Bury (es) , 7 d'agostu de 1992 (28 años)
Nacionalidá	Reinu Xuníu
Residencia	Andorra
Familia
Hermanos/es	ver Adam Yates;
Oficiu
Oficiu	ciclista de pista, ciclista
Trayeutoria
	Participante Tour de Francia ; Tour de Francia 2017 ; Xuegos de la Mancomunidá de 2010 ; Tour de Francia 2014 ; Tour de Francia 2015 ; Tour de Francia 2019 ; 2020 UCI World Ranking (en) (27.); UCI Europe Tour 2020 (es) (23.); UCI Europe Tour 2019 (es) (84.); UCI Europe Tour 2018 (es) (507.); UCI Europe Tour 2017 (344.); UCI Europe Tour 2016 (87.); UCI Europe Tour 2012-2013 (es) (113.); UCI Europe Tour 2010-2011 (es) (859.); 2019 UCI World Ranking (en) (102.); 2018 UCI World Ranking (en) (2.); 2017 UCI World Ranking (en) (47.); 2016 UCI World Ranking (en) (63.); UCI World Tour 2018 (1.); UCI World Tour 2017 (33.); UCI World Tour 2016 (52.); UCI World Tour 2015 (36.) ;
Posición o especialidá	escalador (es) ; ciclismu en pista
Pesu	58 kg
Altor	172 cm
	simon-yates.com

Simon Philip Yates (7 d'agostu de 1992, Bury ^(es) ) ye un deportista británicu que compite en ciclismu na modalidá de pista, especialista na prueba de puntuación, anque tamién participa en carreres de ruta.

Ganó una medaya d'oru nel Campeonatu Mundial de Ciclismu en Pista de 2013, na carrera por puntos.^[1]

En carretera los sos meyores resultaos fueron una victoria d'etapa de la Vuelta a España 2016, nun percorríu de 163 km ente Monforte de Lemos y Nogueira de Ramuín,^[2] y la victoria en tres etapes del Giro d'Italia 2018.^[3]

BiografíaEditar

Destacó en 2013 corriendo pal equipu nacional británicu. Xuntu col so hermanu ximielgu Adam compitió nel Tour del Porvenir, onde ganó la quinta etapa. Simon añadió otra victoria d'etapa a otru día y terminó décimu na clasificación xeneral. Depués foi escoyíu como parte del equipu británicu pa participar na Vuelta a Gran Bretaña, onde ganó la sesta etapa. Yates terminó terceru na xeneral y foi el meyor sub-23.

En 2014 xunióse al equipu australianu de categoría UCI ProTeam Orica-GreenEDGE. En 2015 clasificóse en quinta posición na Vuelta al País Vascu y el Critérium del Dauphiné.

En 2016 na París-Niza ocupó'l séptimu llugar de la clasificación xeneral. N'abril revelóse que dio positivu nun control antidopaxe realizáu mientres Parir-Niza por terbutalina, al nun pidir el correspondiente TUE (Autorización d'Usu Terapéuticu) pal so inhalador d'asma.^[4] Finalmente recibió una sanción por parte de la UCI de namái cuatro meses al tratase d'un «error alministrativu».^[5] N'agostu d'esi añu, y tres el so remanecimientu, consiguió una etapa de la Vuelta a España, amás de ser sestu na xeneral final.^[2]

En 2018 asítiase como oxetivos el Giro d'Italia y la Vuelta a España. Na prueba italiana llogra una destacada actuación ganando tres etapes y siendo líder de la Corsa Rosa. Sicasí, perdió'l lideralgu na antipenúltima etapa por un esflaquecimientu na ascensión a la Visu Coppi, cuando s'atopaba con 28 segundos de ventaya respeuto al segundu clasificáu, perdiendo más de 45 minutos con Chris Froome, ganador de la etapa y a lo postrero maglia rosa.^[6] Remató'l Giro na posicion 21ª a más d'hora y cuartu del ganador.