Ska Keller

Franziska Maria Keller, conocida como Ska Keller, (22 de payares de 1981, Guben) ye una política alemana del Partíu Verde Européu y Bündnis 90/Die Grünen. De 2005 a 2007 foi vocera de la Federación de Mozos Verdes Europeos (FYEG), de 2007 a 2009 foi covocera de la federación estatal verde de Brandemburgu y dende 2009 ye diputada del Parllamentu Européu.

Ska Keller
eurodiputada 2 xunetu 2019 - 15 xunetu 2024 Distritu: Alemania (es) Eleiciones: eleiciones al Parllamentu Européu de 2019 eurodiputada 25 mayu 2014 - 1r xunetu 2019 Distritu: Alemania (es) Eleiciones: eleiciones al Parllamentu Européu de 2014 eurodiputada 14 xunetu 2009 - 30 xunu 2014 Distritu: list of results of European elections in Germany (en) Eleiciones: eleiciones al Parllamentu Européu de 2009
Vida
Nacimientu	Guben, 22 de payares de 1981 (42 años)
Nacionalidá	Alemaña República Democrática Alemana
Llingua materna	alemán
Familia
Casada con	Markus Drake
Estudios
Estudios	Universidá Llibre de Berlín
Llingües falaes	alemán
Oficiu	política, ambientalista
Llugares de trabayu	Estrasburgu y Bruxeles
Creencies
Partíu políticu	Alianza 90/Los Verdes
IMDb	nm7363799
skakeller.de

Nes eleiciones al Parllamentu Européu de 2014 foi candidata, xunto a José Bové, a la presidencia de la Comisión Europea per parte del Partíu Verde Européu.

Biografía

Ska Keller estudió Estudios Islámicos, Turcos y Xudíos na Universidá Llibre de Berlín y fala seis idiomes. Ta casada col activista finlandés Markus Drake.^{[ensin referencies]}

Política

Dende 2001 foi miembru de Grüne Jugend (Mozos Verdes) y dende 2001 hasta 2004 perteneció al so Comité Executivu Nacional. De 2005 a 2007 foi vocera de la Federación de Mozos Verdes Europeos (FYEG).

En 2002 xunióse al partíu Bündnis 90/Die Grünen y en 2005 entró al Comité Executivu de Die Grünen nel Estáu de Brandemburgu. Ente 2005 y 2009 foi tamién direutora executiva de l'agrupación distrital verde de Spree-Neißy. En payares de 2007 foi escoyida xunto con Axel Vogel como covocera de la federación verde de Brandemburgu. Nesti cargu tuvo particularmente arreyada nun referéndum a nivel nacional escontra les nueves mines a cielu abiertu en Brandemburgu, empecipiáu conxuntamente por partíos, organizaciones ecoloxistes y l'institutu sorbiu Domowina.

Nel Congresu de Delegaos de Dortmund de 2009, Keller foi escoyida pal puestu 7 de la llista de Die Grünen pa les eleiciones europees. Sol lema "Non sólo'l güelu pa Europa" consiguió l'escañu'l 7 de xunu de 2009. Les prioridaes de la política de Keller son la migración y les rellaciones de la Xunión Europea con Turquía. Como diputada del grupu parllamentariu Verdes-Alianza Llibre Europea, perteneció a la Comisión de Desenvolvimientu y agora trabaya na Comisión de Comerciu Internacional y na Delegación XE-Turquía.

Nes primaries abiertes pan-européu del Partíu Verde Européu, celebraes ente payares de 2013 y xineru de 2014, Ska Keller foi escoyida, xunto al francés José Bové, como co-candidata a la presidencia de la Comisión Europea pa les eleiciones al Parllamentu Européu de 2014.

Enllaces esternos

• Esta obra remanez de la traducción de Ska Keller de Wikipedia - alemán, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Wikimedia Commons acueye conteníu multimedia sobre Ska Keller.
• Biografía por CIDOB (n'español)

• Datos: Q71528
• Multimedia: Ska Keller