Wikipedia

Amarok

Amarok (enantes denomáu amaroK) ye un potente reproductor multimedia llibre desendolcáu principalmente pal entornu d'escritoriu KDE. Ye multiplataforma y funciona en sistemes operativos Unix y derivaos, talos como BSD, GNU/Linux y Mac OS X; asina como en Microsoft Windows.

Ficha de softwareAmarok
Creador Mark Kretschmann
Versión inicial 23 xunu 2003
Última versión 2.9.0 (versión estable (es) Traducir, 7 marzu 2018)
2.9.71 (versión beta (es) Traducir, 31 xineru 2021)
R14.1.1 (versión estable (es) Traducir, 20 ochobre 2023)
Escritu en C++
Sistema operativu sistema operativu asemeyáu a Unix y Microsoft Windows
Formatu de ficheru d'escritura Free Lossless Audio Codec (en) Traducir
Llingua orixinal distintes llingües, inglés y francés
Tipu reproductor de audio (es) Traducir, software llibre y de códigu abiertu y podcatcher (es) Traducir
Llicencia GNU General Public License, versión 2.0 o posterior (es) Traducir
Parte de KDE Applications (es) Traducir
N'asturianu Sí Sí (con Ubuntu)
Más información
Sitiu web Web oficial
Códigu fonte Códigu fonte
Cambiar los datos en Wikidata

Nun forma parte oficial del proyeutu KDE, magar que puede alcontrase agospiáu nel so sitiu web. Ye parte de kde extragear, permitiéndo-y tener el so propiu ciclu d'espublización independiente del restu de KDE.

Amarok ye más qu'un cenciellu reproductor d'audio, darréu que soporta de mou direutu dellos servicios de Internet y opciones especializaes pa los melómanos que tienen grandes coleiciones de música. Entá asina, resulta fácil d'usar y el so equipu trabaya muncho na facilidá d'usu de los menús y les opciones.

Ta disponible en llingua asturiana.

Etimoloxía editar

El nome d'Amarok remanez del álbum Amarok de Mike Oldfield. Como la pallabra "amarok" (o "amaroq") significa "llobu" en Inuktitut, Amarok usa lobos nos sos logos ya imáxenes.

Carauterístiques d'Amarok editar

Les sos principales carauterístiques na la versión 1.4 son:

  • Múltiples llistes de reproducción de toa triba.
  • Indexar les coleiciones de música nuna base de datos MySQL, SQLite o PostgreSQL.
  • Integración con otres aplicaciones de KDE como'l grabador de CD/DVD K3b y el restolador web y alministrador de ficheros Konqueror.
  • Ñavegación en reproductores portátiles de música dixital como iPod, iRiver iFP y preseos USB con VFAT pa reproductores xénericos de MP3.
  • Posibilidad de descargar lletres d'Internet de diferentes sitios y atroxales.
  • Edición d'etiquetes pa diferentes formatos d'audio (WMA, MP4/AAC, MP3, RealMedia, OGG) con información de les canciones con soporte pa MusicBrainz y edición múltiple d'etiquetes.
  • Compartir gustos musicales con otres personas per aciu del sitiu web Last.fm.
  • Escuchar radios de Last.fm (a partir de la versión 1.4.1)
  • Provee información de los artistes a traviés de la Wikipedia, na llingua escoyida (a partir de la versión 1.3).
  • Alministrador de portaes integráu cola descarga automática de la portada del álbum dende Amazon.com.
  • Sistema duble de puntuación de música, unu automáticu y otru manual. L'automáticu tien en cuenta'l tiempu y el númberu de vegaes que se reproduz cada canción.
  • Ecualizador gráficu de 10 bandes.
  • Asistente anicial pa una cenciella configuración.
  • Soporte pa podcast.
  • Aspeutu configurable. L'estilu del esplorador puede determinase con CSS.
  • Un interface de script potente, permitiendo a Amarok estendese a traviés de cualesquier llinguax que soporte DCOP.
  • Mover y renomar ficheros basaos n'etiquetes o situación na coleición.
  • Filtráu de la coleición (canciones más recientes, meyor valoraes, más reproducíes,...).
  • Soporte pa estadístiques.
  • Soporte "CUE Player" (reproducción de ficheros d'audio tomando como referencia el Cue sheet)
  • Soporte pa dellos motores d'audio:

Ver tamién editar

Referencies editar

  1. ↑ URL de la referencia: https://github.com/KDE/amarok/releases/tag/v2.9.0.
  2. ↑ «v2.9.71» (31 xineru 2021).
  3. ↑ URL de la referencia: https://mirror.git.trinitydesktop.org/cgit/amarok/refs/.

Enllaces esternos editar

Sacáu de «https://ast.wikipedia.org/w/index.php?title=Amarok&oldid=3709723»