Stymie Beard
Matthew Beard, Jr. (1 de xineru de 1925, Los Angeles – 8 de xineru de 1981, Los Angeles) foi un actor infantil d'Estaos Xuníos, conocíu principalmente por interpretar a Stymie nos curtios de LOur Gang ente 1930 y 1935.
Stymie Beard | |
|---|---|
 | |
| Vida | |
| Nacimientu | Los Angeles, 1 de xineru de 1925[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 8 de xineru de 1981[1] (56 años) |
| Sepultura |
Evergreen Cemetery (en)  |
| Causa de la muerte |
accidente vascular cerebral neumonía |
| Estudios | |
| Llingües falaes | inglés |
| Oficiu | actor, actor de cine, actor de televisión |
| IMDb | nm0063915 |
 | |
Años en La Peada editar
Nacíu en Los Angeles, California, Beard, enantes de ser contratáu p'actuar cinco años en La Peada yá fixera papeles infantiles en munches producciones cinematográfiques. En contraste con Farina, el personaxe al que reemplazaba, Stymie yera un estafador de llingua axilosa, seguro de sigo mesmu, indiferente, siempres con cometarios maliciosos ya idees intelixentes frente a los problemes a los que s'enfrentaba. La carauterística principal del personaxe yera la cabeza rapada con un gran bombín, un regalu que Beard recibiera del comediante Stan Laurel, que tamién trabayara col creador de La Peada, Hal Roach. Stymie foi l'únicu personaxe que reemplazara a unu de los miembros orixinales del grupu (Allen "Farina" Hoskins), y que de la mesma foi sustituyíu por un personaxe que siguió na formación hasta la desapaición de la mesma, Billie "Buckwheat" Thomas.
El nome "Stymie" foi escurríu pol direutor de La Peada Robert F. McGowan, que siempres taba atayáu ("stymied") polos interesaos paseos al debalu que'l pequeñu Matthew faía pol estudiu. Sicasí, el personaxe diba llamase orixinalmente "Hercules". McGowan darréu recordaría que Stymie yera'l so favoritu de tolos mozos de La Peada. Beard, entós con cinco años d'edá, llegó a la serie un añu dempués de la transición de la mesma al cine sonoru. Tuvo la esclusiva distinción de tar nel grupu dende'l sonoru de "Miss Crabtree" de los primeros años trenta, al traviés del periodu de transición mediada la década, hasta la dómina del grupu más familiar formáu por Spanky, Alfalfa, y Buckwheat, el que finalmente reemplazaría a Stymie en 1935.
La paga de Beard ayudó a caltener a la so familia nel Este de Los Angeles, incluyíos trece hermanos y hermanes. En llamando Beard al so hermanu menor Bobbie "Cotton", los sos padres dexáron-y dar nome a tolos sos hermanos al nacer ellos. A unu llamar "Dickie", n'homenaxe al so meyor amigu, l'actor infantil y compañero so en La Peada Dickie Moore. Otros cuatro miembros de la familia de Beard actuaríen nes comedies de La Peada:
- La so hermana menor Betty Jane Beard precedió a Stymie nel grupu, interpretando al hermanu pequeñu de Farina, Hector, en Moan & Groan, Inc. y When the Wind Blows (a pesar de que yera una neña).
- La so hermana más nueva, Carlena Beard, foi la hermana menor de Stymie en Shiver My Timbers, Readin' and Writin', y For Pete's Sake!. Nun actuó, sicasí, en The First Round-Up.
- El so hermanu menor, Bobbie Beard, actuó en seis curtios de La Peada dende 1932 a 1934 faciendo'l papel del hermanu pequeñu de Stymie, "Cotton."
- La so madre, Johnnie Mae Beard, fixo un cameo como la madre de Stymie en Big Ears y en Free Wheeling. Amás de Matthew, foi la única de la familia Beard en tener un papel faláu na serie.
Dómina posterior a La Peada editar
En dexando Beard la serie en 1935, a los diez años d'edá, siguió faciendo papeles menores en distintos llargumetraxes, ente ellos Captain Blood (1935, con Errol Flynn) y Jezabel (1938, con Bette Davis). A los quince años fixo una actuación como "Mose" nel filme de 1940 empobináu por Fritz Lang The Return of Frank James, con Henry Fonda y con Jackie Cooper. Na dómina en qu'estudiaba na high school retirárase de la interpretación. Dempués cayó nel abusu de drogues y na vida caleyera, y Beard fíxose adictu a la heroína, pasando la mayor parte de la so vida adulta entrando o saliendo de prisión por causa de ello.
Na década de 1960 entró en Synanon, un centru de rehabilitación en Los Angeles, consiguiendo superar la so adicción a la heorína. En dexando Synanon, volvió actuar mientres un tiempu, faciendo pequeños papeles en llargumetraxes y episodios televisivos como Sanford and Son y Good Times, serie esta postrera na que tuvo'l papel recurrente de "Monty". En 1978 actuó nel filme The Buddy Holly Story llevando'l so clásicu bombín. Beard tamién viaxó pel país dando conferencies sobre'l peligru del consumu de drogues.
Fallecimientu editar
Beard sufrió un ictus en 1981, dos díes depués de cumplir los 56 años. Mancar na cabeza y finó por causa d'una neumonía el 8 de xineru de 1981. Nesi momentu moraba en Los Angeles, California. Foi soterráu nel Campusantu Evergreen de Los Angeles.
Referencies editar
- ↑ 1,0 1,1 Afirmao en: Internet Movie Database. Identificador IMDb: nm0063915. Data de consulta: 22 xunetu 2016. Llingua de la obra o nome: inglés.
Enllaces esternos editar
Wikimedia Commons acueye conteníu multimedia sobre Stymie Beard 
.- Stymie Beard na Internet Movie Database (n'inglés)
- Stymie Beard n'AllMovie (n'inglés)
- «Stymie Beard». en Find a Grave. (n'inglés)
Datos: Q743598- Multimedia: Matthew Beard
