Teresa del Riego
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
María Teresa del Riego y Bustillos (1800, Tinéu – 19 de xunu de 1824, Londres) foi la vilba y sobrina del xeneral Rafael del Riego.
Teresa del Riego | |
|---|---|
 | |
| Vida | |
| Nacimientu | Tinéu, 1800 |
| Nacionalidá |
 España |
| Muerte | Londres, 19 de xunu de 1824 (23/24 años) |
| Familia | |
| Casada con | Rafael del Riego |
| Estudios | |
| Llingües falaes | castellanu |
 | |
Biografía
editarTeresa casó por poderes col so tíu, dieciséis años mayor qu'ella, en Cangas del Narcea, n'ochobre de 1821. En 1822, el matrimoniu establecióse en Madrid onde Rafael del Riego yera diputáu electu por Asturies. Tres la invasión de los Cien Mil Fíos de San Luis en 1823, Teresa fuxó a Xibraltar y darréu exilióse en Little Chelsea, cerca de Londres, onde tendría noticia del apresamientu, procesu y execución del so maríu.
Mientres el so exiliu, Teresa mantúvose con una pensión de 25 llibres añales que daba'l gobiernu británicu a los exiliaos españoles siempre que demostraren que nun dieraon sofitu a los franceses na Guerra de la Independencia.
El 19 de xunu de 1824, tres una enfermedá finó, siendo soterrada na capiella de St Mary Moorfields en Londres.
Bibliografía
editar- La Ilustración Liberal, Carlos Pla: El testamento de la viuda de Riego.
- Pedro J. Ramírez, La desventura de la libertad: José María Calatrava y la caída del régimen, Ed. Espasa.
Referencies
editarEnllaces esternos
editar
Wikimedia Commons acueye conteníu multimedia sobre Teresa del Riego.
Datos: Q21819101- Multimedia: María Teresa del Riego
