Thunnus alalunga
El bonitu[1] o bonitu llargu[1] (Thunnus alalunga) ye una especie que se pesca nel mar Cantábricu, anque nun tien nada que ver cola especie de los Sarda y suel llevar a tracamundiu y creer que'l bonitu ye igual que la xerra.
Thunnus alalunga bonitu  | ||
|---|---|---|
 | ||
| Estáu de caltenimientu | ||
 Cuasi amenazáu (IUCN 2.3) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Actinopterygii | |
| Orde: | Perciformes | |
| Familia: | Scombridae | |
| Xéneru: | Thunnus | |
| Especie: |
T. alalunga (Bonnaterre, 1788) | |
| Consultes | ||
| [editar datos en Wikidata] | ||
Tien un llargor d'hasta 140 cm y pesos d'hasta 60 kg, estrémase del atún (Thunnus thynnus) porque tien una aleta pectoral más grande que la del atún común y unes rayes oblicues de color escuru en dambos llaos de la zona dorsal.
El bonitu ye un preciáu alimentu, comercialmente péscase con anzuelu pa que'l pexe nun sufra y ufierte una carne de mayor calidá. Tamién ye apreciáu por pescadores deportivos.
El bonitu llargu vive mientres l'iviernu nes agües próximes a les Azores y muévese a finales de la primavera (mayu o xunu) al Mar Cantábricu. Ye mientres estes migraciones cuando s'empecipia la campaña del bonitu, llamada costera, qu'acaba xeneralmente en setiembre. Nella participen barcos procedentes de Galicia, Asturies, Cantabria, País Vascu y Francia.
Referencies
editar- ↑ 1,0 1,1 «Diccionariu de la Llingua Asturiana» (asturianu) (15 avientu 2000). Consultáu'l 13 marzu 2024.
Enllaces esternos
editar
Wikimedia Commons acueye conteníu multimedia sobre Thunnus alalunga.
| Wikispecies tien un artículu sobre Thunnus alalunga. |
Datos: Q239977- Multimedia: Thunnus alalunga
Especies: Thunnus alalunga
