Tira diaria

Tira diaria
	formato de historieta (es)
	cómic

Una tira diaria, tamién llamada tira de prensa, tira cómica o simplemente tira (daily strip, nel so términu orixinal norteamericanu) ye una historieta na que se cuenta una situación nunes poques viñetes (polo xeneral, nunca más de cuatro), normalmente alliniaes horizontalmente. Pueden ser obra d'un dibuxante o tener la collaboración d'un guionista y asoléyense periódicamente (xeneralmente diaria o selmanalmente) en periódicos, revistes y páxines d'Internet. Les tires de periodicidá más curtia (diaries) suelen tar dibuxaes en blanco y negro debido al ritmu de publicación, aunque en dellos casos les tires que corresponden a los domingos suelen ser mayores y tar en color. En ocasiones les tires lleguen a ocupar una páxina completa.

Como algunu de los sos nomes indiquen les tires pueden ser humorístiques, pero non necesariamente. Tamién s'asoleyen histories series nel mesmu formatu que nun se pueden calificar de "cómiques". D'ahí que'l términu "arte secuencial", acuñáu pol dibuxante Will Eisner, pa referirse a los "cómics" te ganando puxu y popularidá.

La serie Piker Clerk (1904), de Clare Briggs, foi la primer tira diaria, aunque la so duración foi bien efímera, polo que se vien considerando históricamente a la serie Mutt and Jeff, de Bud Fisher, apaecida el 15 de payares de 1907 nel San Francisco Chronicle, como la primera tira diaria de la historia de la prensa.

Dellos exemplos de tires cómiques son:

La tira cómica n'Asturies

La prensa, a falta d'una industria editorial afayadiza, foi'l principal soporte de la creación historietística n'Asturies. Asina, los primeros pasos d'esta expresión artística nel Principáu fueron daos por Truán na prensa d'a primeros de sieglu, pero'l verdaderu españíu vendría cola publicación de les Aventures de Pinón y Telva por parte d'Alfonso, nel periódicu uvieín La Nueva España. Otru de los personaxes más populares que cobró vida na prensa asturiana foi El Gaviotu nes páxines del diariu xixonés Voluntad, creáu pol dibuxante pixuetu Juan Martínez García-Rovés.

De la importancia del xéneru fala'l fechu de que pintores asturianos qu'algamaron muncha sonadía como Marola o Eduardo Úrculo ficieron trabayos pa esti mediu.

Anguaño la prensa d'Asturies, siguiendo la tradición marcada notres dómines, cuenta con autores yá consagraos como Neto, Ígor Medio, Ruma, Alfonso Zapico, Ñata,... que bien con idees propies o de guionistes como Arturo Arias, acuden a la cita colos sos llectores.

Personaxes más populares de les tires cómiques asturianes

Pinón y Telva, al que se-y xuntaría con posterioridá'l so sobrín Pinín (Autor: Alfonso Iglesias)
Pin el Suave y la vaca Venancia (Autor: Adolfo García)
El Gaviotu (Autor: Juan Martínez García-Rovés)
La Familia Castañón (Autor: Ígor Medio)

Enllaces esternos (asturianos)

Referencies

Enllaces esternos

Wikimedia Commons tien conteníu multimedia tocante a Tira diaria.