Eduardo Úrculo
Eduardo Úrculo (21 de setiembre de 1938, Santurtzi – 31 de marzu de 2003, Madrid) foi un pintor, escultor y dibuxante de cómic español.
Eduardo Úrculo | |
|---|---|
 | |
| Vida | |
| Nacimientu | Santurtzi, 21 de setiembre de 1938[1] |
| Nacionalidá |
 España |
| Muerte | Madrid, 31 de marzu de 2003[1] (64 años) |
| Estudios | |
| Llingües falaes | castellanu |
| Oficiu | pintor, escultor |
| Trabayos destacaos |
Culis monumentalibus (es)  El regreso de Williams B. Arrensber (es) Los libros que nos unen, homenaje a Emilio Alarcos (es) |
| Influyencies | Francisco de Goya |
| Movimientu | Arte pop |
| Seudónimos | Urculo |
 | |
A la edá de dos años treslladóse cola so familia a Asturies. Los primeros pasos artísticos diólos nel diariu La Nueva España, d'Uviéu, pa la que dibuxó tires diaries, adientrándose nel mundu del cómic. En 1957 espuso nel Hogar del Productor de La Felguera y esi mesmu añu foi becáu pol Ayuntamientu de Llangréu pa cursar estudios de pintura nel Círculu de Belles Artes de Madrid y na Academia de la Grande Chaumière de Montparnasse, París, en 1959. Esi añu figuró nel Salon National de Beaux Arts, y espuso los sos cuadros en delles de las más importantes galeríes parisines. Dende entós entamó a viaxar de forma continua (París, Tenerife, Marbella, Madrid, Suecia, Dinamarca, Ibiza, Nueva York), lo que-y permitió conocer a grandes artistes del sieglu XX, de gran influencia na so evolución.
A la vuelta abrió un estudiu con Zuco n'Uviéu, col que fizo'l mosaicu p'Alsa. Les sos primeres obres enmárquense dientro d'un espresionismu social. En 1960 conoció a Eduardo Westerdahl y la so obra evoluciona hacia l'informalismu abstractu. Fizo trabayos como diseñador gráficu, ilustrador y escenógrafu; demientres la década de los setenta desarrolló los sos trabayos con aerógrafu.
Ente 1975 y 1979, la so obra, determinada pol arte pop, entama les series de desnudos femeninos, les vaques y la fruta. Depués continuaría cola serie dedicada al tema del viaxeru, col sombreru y les maletes nun papel protagonista. Nos últimos años, trabayó sobre iconografíes orientales de geishes, como evasión romántica y como iconu sexual.
Fizo un buen garapiellu d'esposiciones individuales, coleutives y bienales n'España, Alemaña, Francia, Cuba, Irán, Estaos Xuníos, etc. En 1993 el Centro d'Arte Modernu Ciudá d'Uviéu entamó una muestra restrospectiva de la so obra.
Como escultor fizo en 1992 El viaxeru pala estación d'Atocha, de Madrid; El regresu de William B. Arrensberg (1993), pa la plaza Porlier, d'Uviéu; la "Exaltación de la manzana", pal parque Vallina de Villaviciosa (1996), l' Homenaxe a Emilio Alarcos, n'Uviéu (1991) y l' Homenaxe a Santiago Roldán, Barcelona (1999).
Un infartu acabaría cola so vida'l 31 de marzu de 2003, en Madrid.
Referencies
editar- ↑ 1,0 1,1 Afirmao en: RKDartists. RKDartists: 271091. Data de consulta: 22 agostu 2017. Llingua de la obra o nome: neerlandés.
Enllaces esternos
editar
Wikimedia Commons acueye conteníu multimedia sobre Eduardo Úrculo.- «Eduardo Úrculo». en Find a Grave. (n'inglés)
Datos: Q3048405- Multimedia: Eduardo Úrculo
