Abrir el menú principal

Will Eisner (Brooklyn, 6 de marzu de 1917; Lauderdale Lakes Florida, 3 de xineru de 2005) foi un dibuxante y guionista estauxunidensede cómic.

Will Eisner
Will Eisner2.jpg
Vida
Nacimientu Brooklyn6  de marzu de 1917
Nacionalidá Bandera de Estaos Xuníos d'América Estaos Xuníos
Fallecimientu

Fort Lauderdale (Florida)3  de xineru de 2005

(87 años)
Causa de la muerte complicaciones quirúrgicas Traducir
Estudios
Estudios DeWitt Clinton High School
Llingües inglés
Oficiu
Oficiu historietista, escritor, guionista y novelista
Emplegadores Escuela de Artes Visuales Traducir
Trabayos destacaos The Spirit Traducir
Contrato con Dios Traducir
Premios
Serviciu militar
Lluchó en Segunda Guerra Mundial
IMDb nm0252162
www.willeisner.com
Cambiar los datos en Wikidata

Eisner nació en Brooklyn nel somantu d'una familia d'aniciu xudíu, y pasó la so neñez y mocedá en Nueva York. Nun dexó de trabayar demientres más de sesenta años, yá que hasta la so muerte nunca pensó na retirada. La so carrera entamó en «WOW What a Magazine!» en 1936. Bien aína, Eisner y el so amigu Jerry Iger funden l'estudiu Eisner-Iger onde dibuxantes como Bob Kane, Lou Fine, Jack Kirby dan los sos primeros pasos.

En 1939, l'asociación Eisner-Iger cesa y Will Eisner produz tires pa la prensa, asina nacerá, ente otros, el so personaxe qu'alagmaría mayor sonadía: The Spirit (entamó a asoleyase el 2 de xunu de 1940). The Spirit ye la historia d'un detective mazcaritáu, Danny Colt, un héroe ensin superpoderes que protexe del crimen a los habitantes de la ciudad imaxinaria Central City. La serie llamó aína l'atención de la crítica por lo inusual de los sos encuadres, cuasi cinematográficos, polos sos efectos de lluz y solombres, y poles sos innovadores técniques narratives. El 13 d'ochobre de 1941 The Spirit entamó a publicase tamién como tira diaria.

En 1942, Eisner ye movilizáu. Dibuxa carteles propagandísticos pa llevantar la moral de les tropes, asina como cómics empobinaos a lluchar contra les neglixencies de los soldaos.

Depués de la guerra, cola ayuda d'asistentes tales como Jules Feiffer o Wallace Wood, Eisner retoma les aventures de Spirit, utilizando'l so personaxe pa esplorar xéneros bien estremaos, dende la ciencia ficción a la esploración de la vida cotidiana americana.

Arriendes de la so carrera como historietista, Eisner enseñó les técniques del cómic na Escuela d'Artes Visuales de Nueva York, y escribió dos obres fundamentales relatives a la creación historietística: Comics and Sequential Art y Graphic Storytelling.