Tomari-te
El Tomari-te (泊手, Tumai-di n’okinawense: “Mano de Tomari”) ye un términu referíu a una tradición de les artes marciales (les qu'habíen conocese como Kárate sobre too dempués de la II Guerra Mundial) qu'aniciaren na ciudá de Tomari (Okinawa, Xapón). Basáu nel estilu nativu de llucha a mano vacía que venía esistiendo dende cuantisimayá n’Okinawa, el Tomari-te espoxigó muncho pola influyencia de diplomáticos chinos y otres persones habilidaes en ”Quan fa” o kenpo, ente otres Wang Ji, Anan y Ason, a finales del sieglu XVII. Xuntamente col Naha-te y el Shuri-te, el Tomari-te forma parte d'una familia d'artes marciales que foron en xunto llamaes Tode-jutsu o To-de (“Mano de China”, Tui-di n’okinawense).[1][2]
Historia
editarEl prauticante más antiguu que se conoz de Tomari-te, neto que de Shuri-te, ye Shinjo Choken, miembru la corte real d'Okinawa haza finales del sieglu XVI, principios del XVII. Más tarde destaca Kanga “Tode” Sakugawa (1733?-1815), discípulu primero en Shuri del monxu budista Peichin Takahara y dempués de Kushanku, delegáu militar chinu, espertu en kenpo de Shaolin.
La figura más relevante del Tomari-te ye Kosaku Matsomora (1829-1898), discípulu de “Tode” Sakugawa que principiara con Karyu Sokyu y con Kishin Teruya, maestros del orixinal Tomari-te, y qu'entrenara tamién col mercadel chinu Chinto (tamién conocíu como Annan). Ye per aciu de Matsomora que los dos estilos, Tomari-te y Shuri-te son tan asemeyaos.
Los sos socesores foron Chotoku Kyan (1870-1945), Choki Motubu (1870-1944), Arakaki Ankichi (1899-1927) y, sobre too, Shoshin Nagamine (1907-1997), qu'estudió Kárate colos tres primeros y creó la escuela Matsubayashi Shorin-ryu (Matsubayashi-ryu).
Otros destacaos maestros okinawenses de Tomari-te foron Kokan Oyadomari y Gikei Yamazato.
Estilos “modernos” derivaos del Tomari-te, son, ente otros: Motobu-ryu, Matsubayashi-ryu, Shorinji-ryu, Gohaku-kai y Matsumora-ryu Kotokukai.
Carauterístiques téuniques
editarEl Tomari-te considérase mui próximu al Shuri-te, por mor de que compartíen los mesmos raigaños, por exemplu l'amestadura a les téuniques llocales de téuniques de combate que veníen del norte de China, el kenpo de Shaolin en particular. Como’l Shuri-te, tamién el Tomari-te evolucionó al estilu Shorin-ryu. Pero ye la llinia Shorin-ryu que ta na base del Shotokan, del Wado-ryu, del Kyokushinkai, y inclusive del Taekwondo, nun ye la del Tomari-te, sinón la que surdió del Shuri-te.
Kates importantes de Tomari-te son:
- Naihanchi (Koshiki)
- Rohai
- Tomari Passai
- Wankan
- Wanshu
Referencies
editar- ↑ http://www.msisshinryu.com/history/tomari-te Tomari: Patria del antiguu To-De
- ↑ http://www.koshinrin.ca/katas.htm Archiváu 2005-05-17 en Wayback Machine Escuela de Kárate Koshinrin: Kates
Datos: Q2457763
