Tordylium maximum

Tordylium maximum; mastuérzanu
Clasificación científica
Reinu:	Plantae
División:	Magnoliophyta
Clas:	Magnoliopsida
Orde:	Apiales
Familia:	Apiaceae
Xéneru:	Tordylium
Especie:	T. maximum; L.
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
	[editar datos en Wikidata]

El mastuérzanu^[1] (Tordylium maximum) ye una planta yerbácea de la familia de les umbelíferes.

Descripción

Yerba añal, de 1 m d'altor, ramificada y con munchos tarmos dende la base, derecha, pero con tarmos rastreros, arispia o aspra en toles sos partes, talmente que pégase a la ropa al raspiala. Flores n'umbeles de 5-8 radios, quiciabes más, y otres umbelas pequeñes con 5-8 o más flores. Na base de los radios primarios hai unes bráctees o hojitas lliniales y apuntiaes, en delles umbelas ausentes, y nes umbelas secundaries tamién hai bracteolas apuntaes. Radios, bráctees y bracteoles con pelos aspros. Flor blanca, dacuando con puntitos roses nel envés, de 2,5-3 mm de diámetru, con 5 pétalos, les esteriores con 2 pétalos bastante más grandes que'l restu, 5 estames con antera mariella. Pétalos con 2 lóbulos arrondaos y un rebaxe fondu ente dambos, enllargáu nuna pequeña llingüeta escontra l'interior del frutu. Frutu como una medaya, arrondáu y estrapáu, de 8 mm de diámetru, con una corona amarellentada engrosada y con bultitos, bien aspru pelos sos pelos ríxidos, caltién los sépalos. Fueyes pinnaes, foliolu terminal llargu y llanceoláu, cantos dentaos o lobulaos, ovales o llanceolaos, delles basales lleguen a los 15 cm de llargor, la base del peciolu enanchada y semiabrazadora, aspres y golioses. Tarmos ríxidos, prismáticos o asurcaos, dacuando se retuercen, aspros, con pelos ríxidos, inclinaos escontra baxo. Raigañu dura y fonda.^[2]

Distribución y hábitat

Nel sur y nel sur del centru d'Europa. Introducida en Bélxica, Alemaña y Suiza.^[3]Crez xunto a otres umbelíferes, en terrenes secos y soleyeros, en parceles y viñes cultivaes, en cantos de caminos y carreteres, inclusive en llugares incultos. Floria a finales de primavera y pel branu.

Importancia económica y cultural

Usos

Tien delles aplicaciones melecinales, los frutos son bonos pa esaniciar gases, los raigaños pa catarros y les fueyes son arumoses.

Referencies

↑ URL de la referencia: http://www.sabencia.net/nomenclator.php.
↑ Bruno Gómez, J. (2002). La flor del Pandorial V, Catálogu Ilustráu. Llión:Institulo Lleonés de Cultura. ISBN 84-95702-18-5.
↑ Polunin, Oleg (1989). Flores Monteses d'España y d'Europa. Barcelona: Omega. ISBN 84-282-0857-3.

Enllaces esternos

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[2] Bruno Gómez, J. (2002). La flor del Pandorial V, Catálogu Ilustráu. Llión:Institulo Lleonés de Cultura. ISBN 84-95702-18-5.

[3] Polunin, Oleg (1989). Flores Monteses d'España y d'Europa. Barcelona: Omega. ISBN 84-282-0857-3.

[1]

[2]

[3]