Troides darsius

Troides darsius;
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Papilionidae
Xéneru:	Troides
Especie:	T. darsius; (Gray, 1852)
Consultes
	[editar datos en Wikidata]

La Troides darsius, la caparina ala de páxaru de Sri Lanka, ye una especie que s'atopa en Sri Lanka. Ye la caparina más grande de la isla.

Ente los más grandes y coloríos lepidópteros de Sri Lanka alcuéntrase la gran caparina negra y mariella (Ornithoptera darsius, Gray); les ales cimeres, que pueden midir hasta 15 cm de valumbu, son de un color negru fondu y aterciopeláu, les ales inferiores, afataes con grandes marques de mariellu satinado, al traviés de les cualos pasa la lluz solar. Aliméntense preferentemente de flores de heliotropo , y los sos canesbes depositense na planta de aristolochia o nes fueyes de betel, suspendiendo les sos crisálides nos bilortos colgantes d'éstes.^[1]

Troides darsius ye la caparina nacional de Sri Lanka.^[2]^[3]

Como *Pompeoptera darsius* nel llibru *Icones Ornithopterorum*, de Robert Henry Fernando Rippon.

Descripción

Ales cimeres del machu: pálides marques adnervulares que nun son prominentes na parte cimera, más distintives y marcaes na parte inferior. Ala trasera negra, con una ancha zona discal que tien una banda llixeramente curva de color mariellu claru. Esta banda o parche estiéndese más allá d'esa celda y ente los interespacios 2 a 7, y ta compuesta de marques marielles espurríes solo estremaes poles venes negres. Na mayor parte de los especímenes los márxenes internos d'esta banda crucien el apex d'esta celda, pero en munches d'elles la celda ye dafechu negra. L'abdome tien delles marques negres debaxo y una fila llateral de puntos negros.

Fema: Les ales anteriores tienen una estensa mancha negra. El interespacio 1 tien un parche blancuciu nel mediu; el interespacio 7 tien una mancha mariella interna y esterna; la celda dafechu negra o casi, delles vegaes, pero raramente, con mariellu llegando al apex.

Imaxe del libroThe Lepidoptera of Ceylon, de Frederic Moore, imáxenes de la gata y la pupa de machu y fema.

Ciclu de vida

Gata

Cilíndrica, de color marrón púrpura opacu, con dos hileres dorsales y fileres llaterales y anteriores de tubérculos carnosos, nel octavu segmentu y una mancha dende la base hasta la parte baxa del séptimu segmentu de color rosa maciu; ente los tubérculos hai manches de color marrón escuru. Aliméntase de la planta Aristolochia.^[4]

Pupa

De color púrpura-ocre pálidu, curvado na parte de tras; tórax cónicu, la parte cimera ye apandada y los llaos con forma d'ángulu; l'espaciu d'ales dilatáu y esplanáu lateralmente nel mediu, col cantu esterior afináu; los dos segmentos medios del abdome con un par de prominencies cóniques na parte dorsal.^[5]

Hábitat

L'hábitat primariu son los montes montascosos apenes forestados al nivel del mar hasta un altor de 2000 metros. Dacuando reparenser en xardinos pero xeneralmente ye raru en tierres baxes.

Amenaces

La deforestación ye una amenaza pa esta especie.

Especie rellacionaes

Troides darsius ye miembru del grupu d'especies Troides haliphron:

Troides haliphron (Boisduval, 1836)
Troides darsius (Gray, [1853])
Troides vandepolli (Snellen, 1890)
Troides criton (C. & R. Felder, 1860)
Troides riedeli (Kirsch, 1885)
Troides plato (Wallace, 1865)
Troides staudingeri (Röber, 1888)

Referencies

↑ Tennant, 1859 Ceylon, Physical, Historical and Topographical

↑ Malaka, Rodrigo (28 de marzo del 2010). «Sri Lanka names its national butterfly». The Sunday Times (Sri Lanka). Consultáu'l 3 de noviembre del 2016.

↑ «National Butterfly». Daily News (Sri Lanka) (25 de marzo del 2010). Archiváu dende l'orixinal, el 2015-03-29. Consultáu'l 3 de noviembre del 2016.

↑ (Moore.

Bingham, C.T. (1907). Bingham, C.T. (1907) Taylor and Francis, Ltd.: The Fauna of British India, Including Ceylon and Burma II.
Collins, N. Mark; Morris, Michael G. (1985). Collins, N. Mark; Morris, Michael G. (1985) IUCN: Threatened Swallowtail Butterflies of the World: The IUCN Red Data Book. ISBN 978-2-88032-603-6.
D'Abrera, B. (1975) Birdwing Butterflies of the World. Country Life Books, London.
Haugum, J. & Low, A.M. 1978–1985. A Monograph of the Birdwing Butterflies. 2 volúmenes. Scandinavian Press, Klampenborg; 663 pp.
Kurt Rumbucher and Oliver Schäffler, 2004 Part 19, Papilionidae X. Troides III. in Erich Bauer and Thomas Frankenbach Eds. Butterflies of the World. Keltern: Goecke & Evers ISBN 978-3-937783-02-4

Enllaces esternos

Guía online de caparines de Sri Lanka Archiváu 2011-04-07 en Wayback Machine Imáxenes d'exemplares adultos y d'etapes, descripciones
Butterflycorner.net Imáxenes del Muséu d'Historia Natural de Viena (n'inglés y alemán)
ARKive Archiváu 2008-02-15 en Wayback Machine Semeyes ya información
Sri Lanka Montane Rain Forests Ecoregion

[1]

[2]

[3]

[4]

[5]