Turismundu

Turismundu (420 ^(greg.), Reinu visigodu – 453, Toulouse) foi rei de los visigodos ente los años 451 y 453. El so nome góticu orixinal yera Þaurismoþs [thôrismoths], "coraxe de Thor".

Turismundu
rey de los visigodos (es) 451 - 453 ← Teodoricu I - Teodorico II (es) →
Vida
Nacimientu	Reinu visigodu, 420 (greg.)
Muerte	Toulouse, 453 (32/33 años)
Causa de la muerte	homicidiu
Familia
Padre	Teodoricu I
Hermanos/es	Euricu Teodorico II (es) Ricímero Frederico (es) Himnerido esposa de Requiario (es)
Pueblu	Baltos (es)
Oficiu	soberanu
Serviciu militar
Lluchó en	batalla de los Campos Cataláunicos (es)
Creencies
Relixón	arrianismo visigodo (es)

Biografía

Yera fíu de Teodoricu I y nietu del gran Alaricu I, vencedor de Roma. Goció de popularidá ente los suyos pola so enorme fuercia física. Foi escoyíu rei polos soldaos godos na batalla de los Campos Cataláunicos, tamién llamada de Châlons-sur-Marne, ante'l mesmu cadabre entá caliente del so padre, muertu polos hunos y a quien se taben dando les honres fúnebres col ritu xermánicu de bater les armes.

Instaló la so corte en Toulouse y sometió n'Orléans a los alanos; probablemente foi'l primer rei visigodu en tener una visión del reinu visigodu como independiente de Roma y trató a los romanos d'igual a igual; esta política secesionista llevó al xeneral romanu Aeciu, antiguu vencedor xunto a so padre d'Atila nos Campos Cataláunicos, a conspirar p'asesinalu xunto a un grupu de nobles visigodos revoltosos ente los qu'atopábense los mesmos y celosos hermanos de Turismundu: Teodoricu II y Fredericu. Como cunten Diego Saavedra Fajardo na so Corona gótica y el padre Juan de Mariana na so Hestoria xeneral d'España, éstos fixeron qu'un priváu de so denomáu Ascalernu  lu esgañara nel so llechu, cuando taba postráu nél por una enfermedá, tres lo que los conspiradores nomaron a Teodoricu II el so socesor.

Ver tamién

• Llista de reis visigodos

Enllaces esternos

• Wikimedia Commons acueye conteníu multimedia sobre Turismundu.

• Datos: Q313079
• Multimedia: Turismundo